Skip to Content

ڕه‌هێڵه‌  …  سه‌ردار جاف

ڕه‌هێڵه‌ … سه‌ردار جاف

Closed
by ئازار 16, 2017 General, Opinion

ئه‌م بێشه‌
سه‌ری گه‌رمی هه‌تا ئێواره‌ بڕ ناكا
ئه‌م سپێده‌
شنه‌ی پاكی
ناگاته‌ غوباری وڵاتی ره‌شه‌با
ئه‌م تاوسانه‌
زۆرێك نابا گریانی خۆی
به‌ سه‌ر رووی زه‌وی ده‌ڕژێنێ
ئه‌م سروشته‌
هه‌میشه‌ گوڵ و خوێن و به‌فر و زریان
ده‌نه‌خشێنێ
ئه‌م وه‌رزی گه‌ڵاڕێزانه‌
لێره‌ جوانی نابڕێته‌وه‌ خۆشی ته‌مه‌ و
به‌ باڵای من
ده‌ژێته‌وه‌
له‌و هه‌وار و بێ مه‌سكه‌نییه‌
له‌ هه‌ر بستێكی شارێكا
دڵۆپه‌ ئاره‌قی ره‌نجم جێهێشتووه‌
زێدم ونه‌ و له‌م بێشه‌یه‌م
كونه‌ په‌پووی تووله‌ رێگا و
سه‌ر شه‌قامێكی جه‌نگه‌ڵم
حه‌سره‌ت و حه‌ز بۆ مناڵی
به‌ شانێلی ته‌مه‌نمدا رۆنیشتووه‌
كام دڵۆپی ئاره‌قه‌ی هیشكه‌وه‌ بوومه‌
له‌م مه‌نزڵه‌ ده‌ینێژم و
ده‌رگای سبه‌یش نابه‌ڵه‌دم
غوربه‌ت و ئولفه‌تی دوێنێ
له‌ره‌ی ڕایه‌ڵه‌ی ته‌مه‌نێ
هه‌ر به‌ باڵام هه‌ڵزنیوه‌
بۆنی دره‌ختی ژیانیش
وێستگه‌كانی سه‌ختن، ژانن
نه‌ گه‌ییوون
یا گه‌نیووه‌

Previous
Next
Kurdish