Skip to Content

سروود… نەوزاد بەندی

سروود… نەوزاد بەندی

Closed
by April 12, 2022 General, Poems

بە دەست ..بە بیر ..بە بێداریی
هەڵمەت ئەبەین بۆ ڕزگاریی ..

هیواکان ئەڕوێنینەوە ..
هەڵۆکان ئەهێنینەوە ..

چەکی باوەڕ ئەکەینە شان
مەرگ بۆ نیشتمانفرۆشان ..

بە دەست ..بە بیر.. بە بێداری
هەڵکەین مەشخەڵی ڕزگاریی

ئێمە زۆرینەی بێدەنگین
خاوەن هەڵوێست و بێڕەنگین ..

لە بێدەنگیی ئەچینە دەر
لە بێڕەنگیی ئەچینە دەر

چونکە هیوای گەل فرۆشرا
میللەت بۆ بێگانە دۆشرا

بە دەست ..بە بیر .. بە بێداریی
ئەبین بە خۆری ڕزگاریی

خوێنی ئەنفال هەر ئەچۆڕێ
تاوانە نەیەینە گۆڕێ ..
وا به چاوی سەر ئەبینین
تابێ ئەم خەڵکە ئەدۆڕێ ..

هەر پەیامی گەل ، پەیامە ..
ئەبێ بگا وەکو نامە ..
چونکە داهاتووی تاریکە ،
هەر میللەتێ بێ بەرنامە ..

تەماشا کەن بە چاوی سەر
چۆن زێڕی خاک ئەبرێتە دەر
ئەوان هەژاریی ئەڕوێنن ..
بۆیە ئەبێ شکست بێنن ..

ڕازی نابین بەم حاڵەوە ..
بێخەم بڕۆینە ماڵەوە ..
دەنگی میللەت زوڵاڵ نەبێ
ڕزگار بوونی مەحاڵ ئەبێ ..

بە دەست ..به بیر .. بە بێداریی
کۆتایی دێ ستەمکاریی ..

ـــنەوزاد بەندی ـــــ

Previous
Next