شیعر/ چيمەن… سەردار جاف

چ تەليسمێ لێت ئاڵاوە وا ڕووخسارت لە هەستمە
شەرابی زوڵفی ڕەشماريت دڵزەدە و مەيلی نەستمە
لە شينایی زرێبارا چيمەن هەڵدێ و لەنگەر دەگرێ
کوڵمت سوورسوور تەدارەکە باڵات لە ڕۆخی ئاستمە
قامک و مەچەکی بە تينم گيرۆدەی پرچی خاوتە
دووری مەودای نێوانمان ژانە و هەميشە کۆستمە
برۆت قۆپييەکی ياخی هەناسەم شنەی حەسرەتە
بە تیری برژانگت لاشەم خەڵتانی خوێنی خەستمە
گەردانەی زێڕ شەرمەزارە کە تۆ بۆ خۆت پڕ ياقوتی
شيلە و چؤڕاوی لێوان و سينەت جۆباری دەستمە
گەردنێ خۆی کريستاڵ بێ گۆلی ئاوەڕۆی هێشووە
لێوم شەرارەی ئازارە و گەرمە ماچێ مەبەستمە
بە جوانيت جوانيم وتووە زێدەڕؤیی لە من نايە
ئامێزت پەشمەک مينايە و ڕۆحت وشەی هەڵبەستمە

باد کامبێرگ / ئەڵمانيا

Sardar Jaf