ژماردن.. نەوزاد بەندی
Closed
سەری دە هەزار و چەندەم بەیانیتە ، لە خەو هەڵئەستی و کارەبا نییە ؟
- * *
سەری دەهەزار و چەندەم نیوەڕۆتە ، بەلوعەکە ئەکەیتەوە ،
ئاو نییە ؟ - * *
سەری سەد هەزار و
چەندەم نوێژتە ،
کە ئایەتی بەرگری و
خەباتی
تێدا ناخوێنی ؟ - * *
سەری دەملیۆن و
چەندەم جارتە ،
بە دەستێ نزا ئەکەیت و
بە دەستەکەی تر ،
قژی فیرعەون دادێنی ؟ - * *
سەری دەهەزار و
چەندەم شەوتە ،
ئاواتەخوازیت کە خەوتیت ، هەڵنەسیتەوە ؟ - * *
سەری دە هەزار و چەندەم بڕیارتە ،
کە هەر سەر شۆڕبی و
بەرز نەبیتەوە ؟ - * *
سەری سەد و چەندەم ڕێپێوانتە ،
میللەتێکی چوار ملیۆنیی ،
لەبەردەم دوو سێ چەقۆکێشا ئەبەزن ؟ - * *
سەری سی و
چەندەمین زستانتە ،
پێکانت شین ئەبنەوە و ئەتەزن ؟ - * *
ئەرێ میللەتن ..
ئێوە میللەتن ،
توخوا ؟ - * *
ئەگەر میللەت ئاوابێ ..
وەک ئێوە بێ میلەت ،
ڕەببی گورگ بیخوا ..
