Skip to Content

ژیان لەنێو قاوەیەکی تاڵدا.. نوسینی: یوسف اسماعیل

ژیان لەنێو قاوەیەکی تاڵدا.. نوسینی: یوسف اسماعیل

Closed
by ئازار 22, 2023 General, Literature

  • کورتیلە چیڕۆک

لە پەیژەکەدا هاتمە خوارەوە بینم پەنجەرەی ژووری بەڕێوەبەرەکەم شکاوە، بەخێرای بێ گوێدان بە دەستەکانم خەریکی کۆکردنەوەی شوشە شکاوەکانی پەنجەرەکە بووم. لەوکاتدا بەڕێوبەر خۆی کرد بەژوورەوە، بێ سڵاو کردن دەستی کرد بە قسەی نەشیاو، پێنەدەچوو حاڵی باش بێت، بلوزە درێژەکەی لە پانتۆڵەکەیەوە دەرهاتبوو، سەرو قژی زۆر ناڕێک بوو. من خەریکی کۆکردنەوەی شوشە شکاوەکان بووم کە جێگری بەڕێوەبەر بێ گوێدان بە سنووری قسەکردن، کاغەزێکی بەپەلە خستە سەر مێزی بەڕێوبەر. گووتی: خێرا ئەم دۆسیە یە تەواو بکە، منیش نەجات بدە، پێویست ناکات ئیتر من لەم فەرمانگەیە کار بکەم، کاتی ئەوە هاتووە ئێرە جێ بهێڵم بۆ کەسانی وەک تۆ. بەڕێوبەر هیچ کاردانەوەی نەبوو قەڵەمەکەی لە گیرفانی چەپی دەرهێناو واژووی خۆی لەسەر لای چەپی خوار کاغەزەکە بەجێهێشت.
بەڕێوبەر ڕووی لە من کرد و گوتی: هێی تۆ. “من قوربان؟! “ “ بڵێ تۆ “. چووم بۆ خزمەتی و گووتی: گەر ڕۆژێک ببیت بە بەڕێوەبەری ئەم فەرمانگەیە چی دەکەیت؟ “هیچ قوربان من چۆن دەتوانم خەونێکی ئاوا ببینم، نـا ناتوانم “
تۆ کەسێکی ئاسوودەیی، بەڵام کە هاتی بۆ ئێرە دەبێت بە کەسێکی سەر لێ شێواو. شەوان ناتوانی لەگەڵ سەرکردن بە سەرین بخەویت و ئاسوودە بیت، ناتوانیت لەماڵەوە دڵ خۆش بیت، وا ناتوانیێت ئەندامی خێزانەکەت لە ژێر دەسەڵاتی خۆتدا بهێڵیتەوە، ئەو ڕۆژەش نایتەوە کە کاتێک دەگەڕێتەوە بۆ ماڵ، منداڵ و هاوسەرەکەت بە دەمتەوە بێن و بڵێن بە خێربێتەوە، باوەکە چیت بۆ هێناوین و هاوسەرەکەت بڵێت منداڵینە واز لە باوکتان بهێنن، ئەو تازە لە کار گەڕاوەتەوە ئەو پێویستی بە پشووە. بەڕێوبەر لەنێو قسەکردندا هەناسەیەکی قووڵی هەڵکێشا و مستێکی دا بەمێزەکەی بەردەمی و هەناسەیەکەی زۆر بە تووڕەی دایەوە.
بەپەلە و مشەوشی ژوورەکەم جێ هێشت و لە سوچێکدا بیرم لە قسەکانی ئەو کردەوە و کەوتمە خەیاڵ کردن، سەیرێکی ئاسمانم کرد و لەبەر خۆمەوە گووتم: خودایە تۆ ئەو کەسەی کە پاشاێک دەکەیت بە کۆیلە، هەر تۆشی کۆیلەیەک دەیکەت بە پاشا، من نامەوێت ببم بە هیچ یەک لەوانە، لە شوێن و پلەی خۆمدا بم هێڵەوە، منی خزمەت کار چیم داوە لەو ژیانە سەختە، چیم داوە کە ئەو ژیانە سادە و ساکارەم تێک بدەم بۆ کەمێک ناوبانگ و پارەی زیاتر…….

یوسف اسماعیل
٣٠/١/٢٠٢٣
باشوری کوردستان – هەولێر

Previous
Next
Kurdish