زەبرە کاریگەرەکانی مێگەل.. نەوزاد بەندی
کورد عادەتێکی تریشی هەیە ، پۆستێکی فەیسبوک بخوێنێتەوە ، ئەگەر زۆرینە دەستخۆشییان لێ کردبێ ، ئەمیش دەستخۆشی لێ ئەکا ..ئەگەر زۆرینە جنێو و سوکایەتییان پێ کردبێ ، ئەمیش بە ئاژداد و ئابائیا دێتە خوارەوە ..
ئەگەر هیچ کۆمێنتێکی بۆ نەنووسرابێ ، ئەمیش هیچ کۆمێنتێکی بۆ نانوسێ تەنانەت ئەگەر یەک دنیا تێبینیشی لەلا دروست بووبێ ..
ئەمە عەقڵیەتی مێگەلی پێ دەووترێ ..واتە عەقڵی زۆرینە ئەبێتە بڕیاردەر و هیچ مەودایەک نیە بۆ بیرکردنەوەی تاک ..وەک چۆن ئەچیتە لای فرۆشگایەک ئەڵێ تاکمان نییە ، هەمووی جوملەیە ..! ..لێرەدا ترس لە بیرو بۆچوونی تاکە کەس هەیە ، شەرم هەیە ، دیوارێک لە نێوان تاک و بیرو بۆچوونیدا هەیە ناتوانێ دەستی بۆ ببات و کاری پێ بکات ..لێرەوە ئیتر مێگەل دروست ئەبێ و زۆرینە هەمان قسە و هەمان ڕەنگ و هەمان ستایڵن ..ئەوەیشی لەو یاسایە لابدات ، کۆمەڵێک زاراوایان بۆ داناوە ، وەک : شێت ، یاخی ، تیرۆریست ، تابووری پێنج ، هەڵەوەڕ ، زۆربڵێ ، بێ ڕەوشت ، قسەزل ، یەع ، ….ئەم زاراوانە وا دەکەن کەسێک زۆر بەهێز و توانا نەبێ ، نەتوانێ بیر و بۆچوونی خۆی دەربڕێ و لە نێوان بەرداشەکانی مێگەلەکە دەربچێ ..
بەو جۆرە کۆمەڵگایەک ئەبینیت هەموویان برنج و فاسۆڵیا ئەخۆن و ڕقیان لە ماسیخواردنە ..جلەکانیان یان ڕەساسی یان ڕەشە ..مناڵەکان ئەڕۆنەوە سەر پیشەی باوکەکان ..ئازاری گیاندار و درەخت دەدەن ..شەقام و دەشت و دەر بە دوژمنی خۆیان ئەزانن و ئەیشێوێنن و پیسی ئەکەن ..دین تەنها چەن جوڵە و گەشتێکی سعودیەیە و ..دژە دینەکانیش کە گەیشتنە شەست و حەفتا ساڵ ، بە بێ هیچ خوێندنەوە و قوڵبوونەوەیەک ، لە پڕێکا ئەگەڕێنەوە و ئەبن بە ئاینخواز ، سووک تەماشای ڕەگەزی مێ ئەکەن و بە هەر نێرێکیان بڵێیت لە ژن ئەچیت ، هێرشت بۆ دێنێ ، چونکە لای زۆرینە ژن بوون سوکایەتییە …..هتد ..
ــوێنەکە لە کەناڵی ڕووداو وەرگیراوە ، ئەویش هەر فەلسەفەی مێگەلە ، کە دەبینێ زۆرینە شوشە و پاشماوەکان لە دەشت ودەر فڕێ دەدەن ، ئەویش فڕێی دەدا ..چونکە بە عەقڵی زۆرینە کار ئەکا ، عەقڵی خۆی غائیبە یان خەوتووە و خەبەری ناکاتەوە .
نەوزاد بەندی
