Skip to Content

زارا محەمەدی پاسەوانی شکۆی زار و زمانی هەمووانە … هەندرێن

زارا محەمەدی پاسەوانی شکۆی زار و زمانی هەمووانە … هەندرێن

Closed
by ته‌مموز 19, 2020 General, Opinion, Slider

مانی کوردیی لە دۆخێکی تراژیدی/کۆمیدییدا دەژیت لای ئێمە؛ تراژیدییەکە ئەوەیە، لە بەشەکانی دیکەی کوردستان مرۆڤ لە سەر زمانی قسەکردن و خوێندن دەکوژرێ و دەگیرێت، کەچی لای ئێمەیش لە داخی پلە و پایە وەرگرتن، لە کەمزانی خۆیەوە زمانی کوردیی بە کەمدەزانێت، بۆیە بۆ فێربوونی زمانی ئینگلیزیی، خۆی خەسار و لە خەڕەک دەدا.
قوتابی/خوێندکارگەلی دەرچووی بەشی زمانی کوردیی و بەشەکانی زانستە مرۆییەکانت لە زانکۆیەکانی کوردستان هەن، بەستەزمانن و بە دروستی زمانە کوردییەکەیشیان نازانن، کەچی خۆیان بە ئینگلیزییەکی هەلیت و پەلیت و کۆلاوارەوە هەڵواسیوە و سندم کردووە، لە دڵ ئاوێزانبووانی ئەو نەوەیە بە کوڕانی ژنبازی ناو درما، حیجاب و حەمامی تورکیی و گۆرانی و گۆلمەزە خۆشداکەنەکانی فاریسیش هەر بگەڕێ، گوایە بەوەوە کار و کڕیار و ئازادییان دەست دەکەوێت!
ئەوھا کورد لێرە لە رۆژگارێکی حەقیقەت خەپێنەردا لەناو دەعەجانبوونی ئاکاردا بەسەر دەبات.
بۆیە لە کاتێکدا تۆی سەوداسەر بە زمانی ئینگلیزیی و تورکیی و فارسیی کە بۆ دەگەڵ ھەڵا کەوتن لە داکۆکیکردن لە ئازادکردنی زارا محمەدی دوو رستە و نیو دەنووسی، سەرچاوەیەکی لەو بێبەھابوون و بێماڵ مانەوەی زمانی کوردیی.

نووسەر و ئەکادیمییگەلت هەن، بۆ لە کۆنفرانسی زمانی کوردیی، لە تیڤیی و دەرکەوتن لە مەجلیسە خۆش و بە خۆڕاییەکاکانی زمانی کوردیی لێرە و دەرەوەدا زمانپەروەرانێکی مشەخۆرانەن، کەچی بە خۆی منداڵەکانییەوە سوووتاو و زووخاوی فێربوونی زمانی ئینگلیزیین.

لە سەتەی بیست و یەکدا، لە رۆژهەڵاتی کوردستان و هەرێمە ئینگلیزیی پەرستدا، دەیان خۆ بە پسپۆڕزانی زمانی کوردیی و دەزگەی چاپ، ئەکادیمیی و نووسەران و هەن و لەسەر ماڵی زمانی کوردیی خەوتوون، کەچی کتوپڕ کچێکی بێ پلە و پایەی ئەکادیمیی و دوور لە حەشری دەزگە رۆشنبیریی، زمانیی و ئەکادیمییەکانەوە، دەبێتە پاسەوانی کردەیی زمانی کوردیی و رژێمێکی داڕزاوی وەک جمهیوری ئیسلامی ئێران بە جۆرێک دەتۆقێنێت، کە بە دە ساڵ زیندانیکردنییەوە، بوونی زمانی کوردیی بێ پاسەوان بهێلێتەوە.

بۆیە ئەگەر زیندانیکردنی زارا لەسەر داکۆکیکردن خوێندن بە زمانی کوردیی نیشانی رەتکردنەوەی بوونی جیاوازیی بوونی کوردیی بێت لەلایەن رئژێمی جەھلپەرستی ئێران و تورکیا، ئەوا بەشێکی زۆری ئەم دۆخەی زمانی کوردیی پەوەندی بە خۆ بەبچووکگرتنی زمانی کوردیی لە ھەمبەر کورد خۆیەتی ئاخۆ ھەر رۆژە کوردێک لە تورکیا و ئێران بە ھۆی پەیڤین بە زمانی کوردییەوە سزا بدرێ و بکوژرێ،. ئەوەندە بەسە کە ھەفتەیەک بە دانانی ھەشتاگ و دوو سی قسەی بێکردە خۆمان وەک خۆشەویست و پاسەوانی زمانی کوردیی بزانین؟
ئەدی بۆ حکومەت و دەزگە رۆشنبیریی ئەژادیمییە زمانییەکانی ئێرە، ناتوانن گوشار بخەنە سەر ئەو نوێنەرە سیاسیی و بازرگانی و رۆشنبیرییەکانی ئەو دوو وڵاتە کە لێرە ھەن؟

بەڵێ، بەمجۆرە ئەگەر کەمێک لەو ئاماژە ئەخلاقییانەی کە لەسەرەوە تێڕا بمێنین نەک تێدابمێنین رۆبچین، ئەوا راستیییەکەی زیندانیکردنی کچێکی کورد لەسەر زمانەکەی خۆی لە سەتەی بیست و یەکەمدا، هەم بەربەریەتی رژێمی ئێران وەک رژێمی تورکیا دەگەیەنێت و هەمیش ئاماژەیە بۆ داوەشان و کۆیلایەتی کولتووریی و مێژوویی ئەخلاق ناڕەسەنی کورد، کە هێشتا نەیتوانیوە ببێتە خانەخوێی زمانەکەی؛ بوونە بێماڵەکەی.

لێ زارا محەمەدیی، پاسەوانێکی شکۆمەندانەی زاری زمانە شکێنراوە کوردییەکەیەتی.

هەندرێن

Previous
Next
Kurdish