خۆشەویستی .. قاوەخانەیەکە.. شیعر: محمود درویش.. وەرگێڕانی: پشکۆ ناکام
Closed
هەر وەک قاوەخانەیەکی
سەر شەقامی لانەوازەکان
خۆشەویستی دەرگاکانی
ئەخاتە سەر پشت بۆ هەموان
وەک قاوەخانەیەک
بە پێ ی ئاو و هەوا
چۆڵ و قەرەباڵغ ئەبێ
كە باران باری
بەر ناکەوێ
كە خۆشی کرد چۆڵ و …چۆڵترە
خانمی لانەواز :
من لێرە لە سووچەکەیا دانیشتووم
ناوت چیە ؟…چاوت چ ڕەنگە
كاتێ چاوەڕێت ئەکەم
و
تێئەپەڕیت بە لاما
چۆنت بانگ بکەم !
خۆشەویستی خۆی قاوەخانەیەکی بچووکە
دوو پێک شەراب داوا ئەکەم
بە خۆشی تۆ و خۆمەوە ، ئەخۆمەوە
دوو شەبقە و چەترێکم پێیە
باران ئەبارێ
لە هەموو ڕۆژێ زیاتر ئەبارێ
و
نایەیتە ژوورەوە ..!
دوا جار بە خۆم ئەڵێم :
چاوەڕێ بە
تۆ ، چاوەڕێ ی من بوی
یان چاوەڕێ ی پیاوێکی دیکە ..!
و
چاوەڕێت کردین و بە منت نەناسان
و
ئەیووت : چاوت چ ڕەنگێکە
حەزت لە چ شەرابێکە
ئەی ناوت چیە..!
کە بە بەردەمما ئەڕۆی
چۆنت بانگ بکەم ..!
….خۆشەویستی وەک قاوەخانەیەکی بچووکە
“””””””””””””””’
