سروودی شوڕشی پۆست مۆدێرن.. نەوزاد بەندی

ئاسودە بێ شوقە و تاوەر ..
شوقە و تاوەر ..
بە داهاتی ناوخۆ و موچەی گشت فەرمانبەر ..
بە بایکۆت و بە مانگرتن ..
ڕیشەی دز قەت نایەت لە بن …
ئاسودە بێ ، نە ووتار ..نە ڕەخنەگرتن ..
نە تەماتە ..نە تەبەق هێلکە تێگرتن ..
بە بایکۆت و بە مانگرتن
ڕیشەی دز قەت نایەت لە بن
ئاسودە بێ ، شەق تێهەڵدان ، مناڵ کوشتن ..
خاک فرۆشتن ، لە مەیدانی شەڕ ڕاکردن
بە بایکۆت و بە مانگرتن ..
ڕیشەی دز قەت نایەت لە بن ..
ڕێی ئازادی ، بە تاوەری دز سوتاندن ..
دز ڕاونان و دزکوشتن و دز ڕوخاندن ..
بە بایکۆت و بە مانگرتن
ڕیشەی دز قەت نایەت لە بن

Nawzad Bandi