پرسە لافاو.. شیعری نەوزاد بەندی
Closed
ناپرسن بۆ هیچ لافاوێ
ناچێتە ماڵ و بەردەرگا و
ژووری هیچ بەرپرسێکەوە ؟
قەت بیستووتانە لافاوێ
خۆی هەڵدابێتە ناو کۆشک و
باخی ڕەزاقورسێکەوە ؟
چونکە ئەوان
هەموویان چوونەتە ئاسمان ؛
لەسەر داهات و داهاتووی
خەڵکە لات وبرسێکەوە ..
چونکە ئەوان ؛
زاڵن بەسەر کورسێکەوە ..
چونکە ئەوان ؛
داڵن بە دوای
هەر دینار و فلسێکەوە ..
ئێوەیش لە نشێوەکانا
شەتەک دراون بە هەموو
جۆرەکانی
کۆیلایەتی و ترسێکەوە ..
