سرودی تێکۆشان.. بێرتۆڵت برێخت.. و: گۆران عەبدوڵڵا
خەڵکی جیهان، پێکەوە
لە پێناوی خەمی هاوبەش، دەست لەناو دەست
ئێستا کات و ڕۆڵی تۆیە.
پێشکەوە و لە بیر نەکەی
ئەوکاتە هێزی یەکێتیمان دەبینرێ کە دەبین!
کاتێ برسیت یاخود تێری
بۆ پێشەوەو لەبیرنەکەی
تێکۆشانمان!
ڕەش یان سپی، قاوەیی و زەرد
ئەو ناکۆکییە کۆنانە توڕهەڵدە لاوە
کاتێک گوێ هەڵدەخەیت بۆ هاوخەباتت
زۆر زوو دەبنە خاوەنی یەک باوەڕ.
پێشکەوە و لە بیر نەکەی
ئەوکاتە هێزی یەکێتیمان دەبینرێ کە دەبین!
کاتێ برسیت یاخود تێری
بۆ پێشەوەو لەبیرنەکەی
تێکۆشانمان!
گەر بمانەوێت ئەمە بێتە دی
تۆو و پشتیوانیتمان دەوێ
ئەوە خۆتانن کە لێی هەڵدێن
ئەگەر زمان لەیەکتردەن.
پێشکەوە و لە بیر نەکەی
ئەوکاتە هێزی یەکێتیمان دەبینرێ کە دەبین!
کاتێ برسیت یاخود تێری
بۆ پێشەوەو لەبیرنەکەی
تێکۆشانمان!
فەرمان ڕەوا چەتەکانمان
هەمیشە خوازیاری نەوەستانی دەمەقاڵێکانمانن
یارمەتیدەرە بۆ بەلارێدا ڕۆشتن و دووبەرەکیمان
بۆیە دەتوانن هەر دەسەڵاتداربن.
پێشکەوە و لە بیر نەکەی
ئەوکاتە هێزی یەکێتیمان دەبینرێ کە دەبین!
کاتێ برسیت یاخود تێری
بۆ پێشەوەو لەبیرنەکەی
تێکۆشانمان!
کرێکارانی جیهان، یەکگرن
ئەوە ڕێگای لەدەستدانی کۆت و بەندتانە
هێزی ئێمە وا لەشەردان
بۆ نە هێشتنی جەورو ستەم.
بۆپێشەوەو لە بیرنەکەی
تا بە ئامانجی خۆمان دەگەین
کاتێ برسین یاخود تێرین
سبەینێ, سبەینێی کێ دەبێ؟
ئەی دونیا، دونیای کێ دەبێ؟
و: گۆران عەبدوڵڵا
سەرچاوە:
https://allpoetry.com/Solidarity-Song
Eugen Berthold Friedrich Brecht [1898-1956]
لە رۆژنامەی رەوت ژمارە ٢٩ بەشی بانێژەی ئەدەب و کەلتور بڵاوبۆتەوە..
Goran Abdullah
نووسەر و رۆژنامەنووس نەوزاد مدحت ناسراو بە (گۆران عەبدوڵڵا) لە شاری کەرکوک لە دایک بووە خوێندنی لە( ئامادەیی ثورە) تەواو کردووە، دوواتر لە پەیمانگای هونەری موسڵ بەشی موحاسەبە وەرگیراوە. بەهۆکاری نەچوونە جەیشی شەعبی لە دووا قۆناغ فەسڵکرا. وەک کەسێکی سیاسی و ناڕازی درێژەی بە کاری سیاسی خۆی دا، لە پاش ڕاپەڕین لە شاری هەولێر یەکێک بووە لە دامەزرێنەرانی یەکێتی بێکاران و ئەندامی دەستەی نووسەرانی رۆژنامەی( دەنگی بێکاران) بووە تا ناوەڕاستی ساڵی ١٩٩٥. لە ١٩٩٦ ەوە نیشتە جێی وڵاتی کەنەدایە. لە ١ی حوزەیرانی ٢٠٠٢ وە ماڵپەڕی دەنگەکانی(www.dengekan.com) وەک رۆژنامەیەکی ئەلیکترۆنی رۆژانە دامەزراندووە وە تا ئێستاش بەردەوامە. لە ٢٠٠٥ بەشی وێب پەیج دیزاینی لە (Durham computer & Business college) تەواوکردووە.
