کۆڕی ناساندن بۆ سێ کتێبی نوێی دڵشاد کاوانی لە هەولێر بەڕوەچوو.

بە ئامادەبوونی ژمارەیەکی زۆری نووسەران و ڕۆشنیران لە هۆڵی شەهید مەهدیی خۆشناو لە بارەگای یەکێتیی نووسەرانی کورد، لقی هەولێر. ڕۆژی شەممە، ڕێکەوتی ٢٩/١//٢٠٢٥ کۆڕی ناساندن بۆ سێ بەرهەمی نوێی دڵشاد کاوانی نووسەر و ڕۆماننووس بەڕێوەچوو.
کتێبەکان پێکهاتبوون لە کتێبی پەڕینەوە بە قاچ، سەفەری نامەکان. قەسیدەی شیعریی شەوە بیابانییەکانی لم.
سەرەتا نووسەر تیشکی خستە سەر بەرهەمەکانی و پاشان د. هێمن عومەر خۆشناو خوێندنەوە بۆ کتێبەکان کرد ودواتر ڕا و بۆچوونی نووسەران لەسەر کتێبەکان خرانە ڕوو، بە گرینگیی سەیر کرا و پێشوازییەکی باشی لێ کرا.
لەمیانەی کۆڕەکەدا فەرهەنگ غەفوور بەڕوەبەری ڕۆشنبیریی و هونەریی هەولێر. چەپکێ گوڵی بەدیاریی بە نووسەر بەخشی.
دڵشاد كاوانی بۆ ماڵپەڕی گوتی: کۆڕەکە یەکێک بوو لە کۆڕە گەرمووگووڕەکانی لقی هەولێر و جێگەی ڕەزامەندی بەشداربووان بوو.
کۆڕەکە لەلای مەسعوود پەرێشانی شاعیر بەڕێوە چوو. لە کۆتایدا کتێبەکان واژووی لەسەر کرا.

Dilshad Kawani

دڵشاد ڕەزاق ڕەسوڵ ناسراو بە (دڵشاد کاوانی). نووسەر و وەرگێڕ و چیرۆکنووس ڕۆماننووس و ڕۆژنامەنووس. چاڵاکوان له بواری ڕێکخراوەیی و مافەکانی مرۆڤ. لەدایکبووی 01-07-1978 شاری قەزوینی ئێرانە. لە ساڵی 1984 لە گوندی کاوانیانی شەقڵاوە چووەتە بەر خوێندن. یەکەم وێستگەی نووسینی لە ساڵی 1996 بە شیعر دەستی پێ کردووە. پاشان یەکەم چیڕۆک بە ناوی (هەرگیز پاشگەزنابمەوە) لە ساڵی 1997 نووسی، زیاتر لە 24 چیڕۆک و (100) کورتیلە چیڕۆکی لە گۆڤار و ڕۆژنامەکان بڵاوکردۆتەوە، خەڵاتی یەکەم و دووم و باشترین چیڕۆکی لە فیستڤاڵەکانی کوردستان وەرگرتووە.