Skip to Content

پرسوڕای ڕۆژانە…. موزەفەر عەبدوڵا

پرسوڕای ڕۆژانە…. موزەفەر عەبدوڵا

Closed
by ئازار 6, 2018 General

تێبینییەکی پێویست:

وەک چەند ڕۆژێک لەمەوبەر ڕامگەیاند کە لەم هەفتەیەوە ،زیاتریش لەسەر سەرنجو پێشناری هەندێك لە خوێنەرانو هاوڕیان ، گۆشەی پرسوڕای هەفتانە دەکەمە ڕۆژانە تا بتوانم ڕۆژانە ڕاوبۆچونو هەڵویستم لەسەر ڕوداوو پرسە گەورەو گرینگەکان زوترو بێ دواکەوتن بدەم.هەڵبەت ئەمەش بە پێی کاتو تواناو پێویست.بەو هیوایەم بتوانم لە روانگەی مارکسیستی و بەرژەوەندی یە چینایەتییەتی یەکانی جەماوەری چەوساوەوە تیشکێک بخەمە سەر هۆکاری سەرهەڵدانی ئەو روداوانەو شیوازی چارەسەری ئینسانیان لە ڕیگای خەباتو تێکۆشانیاندا.

پارەی کێیان حەڵاڵە: دەسەڵاتداران یان سێکس فرۆشەکان…؟!
لە چەند ڕۆژی ڕابردوودا دوو ڕوداوو وەک بۆمب لە دەزگاکانی ڕاگەیاندنو میدیای کۆمەڵایەتیدا تەقینەوەو بونە جیگای پرسوڕاو هەڵوێستگیری فراوان لە کۆمەڵگادا. وە بە شێوەیەکی گشتی خەڵکێس لە ڕایەکانیادا دژی دەسەڵاتداران بون لە رودانی ئەم روداوانەو سەرکۆنەیان کردن.
ئەو دوو هەواڵەش هەواڵی چاکسازی لە موچەو کرێی خانەنشینی پەرلەمانتارو وەزیرەکان بوو لەگەڵ بڵاوبونەوەی ڤیدیوی کۆمەڵێك ژنو کچی هەرزەکار کە لە لایەن دەزگای پۆلیسی پارتی یەوە بڵاوکرانەوە .وەک لە ڤیدیۆکانیش دیاربون پۆلیسەکان ئەوپەڕی سوکایەتیو بێڕیزیان بە ژنەکان دەکرد بۆ ڕوو دەرخستنو دانپیانانیان بەم کاری سیکس فرۆشی یە،و وەک ئەوەی گەورە تاوانبارەکانی سەرانی داعشو دزو گەندەڵکارو بکوژانی ڕۆژنامەنوسانو هەڵسوڕاوانی سیاسیان گرتبێت.بێگومان ئەمەش سەرەڕای ئەوەی ئەوپەری پێشێلکاری مافەکانی مرۆڤو یاساو هەر نەریتێکی ئینسانی بوو هاوکات ژیانی ئەم ژنانە دەکاتە بەر مەترسی کوشتنەوە بە تایبەتی لە لایەن کەسوکاری پیاوسالارو کۆنەپەرستی تاوانباری ناو کۆمەڵگاوە.

جا بەو پێی یەی هەردوو هەواڵە هاوکات بونو، هەروەها لە زۆر لایەنەوە پەیوەستیان هەیە پێکەوە ،بە تایبەتی لە قسەوباسو هەڵوێستگیریو ناڕەزایەتی یەکانی خەڵکیش بۆ هەردو ڕوداوەکە ،بۆیە منیش بە پێویستم زانی بە پرسیارێک وەک هەمو جارێک ڕایەکیان لەبارەوە بدەم . هەروەک لە تایتڵەکەدا پرسیومە پارەی کێیان حەڵاڵە : پارەی سەرانی دەسەڵات ، کە مەبەستم هەمو پەرلەمانتارو وەزیرو گزیرو سەرانی حزبەکانە، بە تایبەتی ئەوانەی جومگەکانی دەسەڵاتیان بەدەستەوەیە کە زیاتر پارتی و یەکیتین ،یان ئەم ژنە سیکس فرۆشە بێتاوانانە ؟!
بەر لە خستنە ڕووی ڕاداوو وەڵامەکەم بە پێویستی دەزانم ئاماژەیەک بەوە بدەم بۆ ووشەی حەڵاڵم بەکار هێناوە کە ڕوانگەیەکی ئیسلامی لە پشتەوەیەو، لە کاتێکدا من هیچ کات نە بڕوام پێی هەبوەو نە لە هیچ دیدگایەکی ئیسلامیشەوە ڕاوبۆچونەکانم دەنوسم.ڕەنگە زۆر کەسی هاوبیریشم هاوڕام نەبن.بەڵام لەگەڵ ئەوەشدا بەکارهێنانی ئەم ووشەیە لێرەدا بە موناسب دەزانم بەو مەبەستەی کە سەرانی ئەم دەسەڵاتو حزبانە سەروبەریان بڕوایان بە ئایینە ،بە تایبەتی ئیسلام .بۆ هەمو شتێکی باشو خراپ ، عادل وناعادل ،هەقو ناهەق ، ووشەی حەڵاڵو حەرام بەکار دێنن. ئەمەش جگە لەوەی لەناو خەڵکیش بەهۆی باڵادەستی بیرو نەریت و کەلتوری ئیسلامیو قەومیو خێڵەکی ئەم دیدگاو دەستەواژەو ووشانە بونەتە باو . بەکاری هێنانی منیش بۆ ئەم ووشەیە زیاتر بەو مەبەستەیە بیدەمەوە بەچاوی گەورەوبچوکی ئەم تاقمە قەومی و خێڵەکیو ئیسلامیانەی ناو دەسەڵاتو دەوری دەسەڵات و پێیان بڵێم کە هەر بە پێی پێودانگو بانگشەو قسەکانی خۆتان پارەی ئەم سیکس فرۆشانە حەڵاڵە کە لە سایەی دەسەڵاتەکەیاندا ناچار بەم کارە کراون بەرامبەر بڕە پارە یەک تا ژیانی خۆیانو مناڵیانی پێ دابین بکەن.
کە دەڵێین لە سایەی دەسەڵاتی ڕەشی ئەمانەدا ئەم ژنانە ئەم کارە دەکەن باشترین بەڵکەش هەر ئەو یاسایە بوو هەر لەم کاتەدا پەسەندیان کرد بۆ دانی موچەی خەیاڵی بە هەمو سەرانی دەسەڵات لە کاتی خانەنشینیشدا کە مانگانە چوار ملیۆن دینارە کە بەشی ژیانی ساڵێکی ئەم ژنانە دەکات.بەڵام موچەی خانەنشینانی تری وەک مامۆستاو کارمەندانو کریکاران دوای ٣٠-٤٠ ساڵ کارو خزمەت زۆرترینیان ناگاتە نیو ملیۆن.

ئەمە جگە لەوەی ئەو کاربەدەستە دزانەی دەسەڵاتو حزبەکان پێش خانەنشیشیان دەبنە خاوەنی خانوو کۆمپانیاو ماشینو هەمو پێویستی یەکانی ژیان کە دەیان قات زیاترە لە پێویستیان .بەڵام لەو سەدان هەزار مامۆستاو کارمەندو کرێکارە نیوەی زیاتریان تا مردن نابنە خاوەنی خانوو ماشینو هیچ سەروەتو سامانێک. ئاخر ئەوانە چۆن دەبنە خاوەنی هیچ کە ساڵانە تەنها ٣-٤ موچەی نیوە ناچلی ئەوپەڕی نیو ملیونی وەردەگرن!؟
بەڵام کاکی پەرلەمانتارو وەزیر تەنها لەو چوار ساڵە جگە لە چوار ملیونەکە جۆرەها دەرماڵەو ڕەسمو ڕسومی تری بۆ دەنوسرێت لە پاڵ دزیو گەندەڵیو بەرتیل وەرگرتنو پاسەوانی بن دیوارو دەیان فرتوفێڵی تر.

ئەمە بە نیسبەت موچەی خانەنشینی پەرلەمانتاو وەزیرو گیزەکان .ئەوە ئیتر لە بەرپرسە حزبی یەکان ،بە تایبەت لە کادیرە حزبیو سیاسیو کۆمەڵایەتیو پیشەییو چەنە بازە میدیاکارەکانیان تا دەگاتە سەرکردایەتی یان مەپرسە کە هەمویان لەبەر خواردنی پارەی دزی و گەندەڵی بەڵغەبابەیان بەسەر بۆینباخەکانیانو، ورگیان بەسەر قایشەکانیانو ،چەرمی قاچیان بەسەر قۆندەرە چەرمە ئیتالییەکانیان شۆڕ بونەتەوە…!
ئا بەم شێوەیە دۆزەخێکیان بۆ زۆرایەتی خەڵکی چەوساوەو بێبەش لە: کرێکاران، جوتیاران ، بیکاران، دەەسفرۆشان ، مامۆستایان ، کارمەندان ،ژنان، وردە پیشەوەرەکان ، لاوانو قوتابیان و ..هتد پێکهێناوە . بە تایبەتی ئەوانەی کە سەر بەو حزبانە نین، ناچاریان کردون پەنا بەرنە بەر هەمو شێوازیک بۆ پەیداکردنی پاروە نانێک .هەر لە گەڕان بە دوای ژەمە خۆراکێک یان هەر پێویستی یەکی تر لەسەر زبڵدانەکانو، سواڵو دزیو ،ڕاووڕوتو ،تاوانکاری تا دەگاتە کاری نا ئینسانی لەشفرۆشی ژنانی وەک ئەمانە کە وێنەو ڤیدیویان بڵاو کرایەوە .

وەک ئاماژەمان پێدا تا ئەو جێگایەی دەگەڕێتەوە بە ڕوداوی بڵاوکردنەوەی ڤیدیوی ئەم ژنە بیتاوانانەوە ،کە هاوکاتو هاوتابو لەگەڵ بڕیاری پەرلەمان بۆ بڕینەوەی موچەی خەیاڵی خویانو موچەی کەمی زۆرایەتی خەڵکی تر کە جیاوازی یەکەی ئاسمانو ریسمانە، ئەوەیە کە ئەوە بارودۆخی ئابوری و کۆمەڵایەتی یە وا لە بەشێکی ژنان دەکات ناچار بن دەسبەرن بۆ کاری سێکس فرۆشی .بێگومان ئەمە سەرەڕای ئەوەی هەمو ژنێک شوێنەواری زیانباری تەندروستی ، کۆمەڵایەتی ، کەڵتوری ،و سوتاندنی هەستو سۆزی خۆشەویستی، ئەم کارە دەزانێت .وە دەزانێت کە لە کۆمەڵگایەکی ژێر سایەی دەسەڵاتی خێڵەکی ،بنەماڵەییو ئایینی وەک ئەمانەی کوردستان دەسبردن بۆ ئەم کارە ژیانی دەخاتە مەترسی مەرگەوە بەڵام لەگەڵ ئەوەشدا ژیان ناچاری دەکات ئەم کارە بکات. کوشتنی هەزاران ژن یاخود خۆکوژیان بە بەهانەی شەرەفەوە لەم سێ دەیەیەی رابردووی کوردستان باشترین بەڵگەن بۆ مەترسی دەسبردن بۆ ئەم کارو پیشەیەو هاوکات بەردەوام بونیشی.

جا ئەگەر ئەم پۆلیسو ئاساییشانە ئەم راستی یانە دەزانن وهاوکات پییان وایە کە نیشاندانی ئەم وێنەو ڤیدیویانە دەبێتە هۆکارێک بۆ لەناوبردن یان کەمکردنوەی لەشفرۆشی ئەوە مەگەر هەر براکانی ئەم چەکدارانە نین پاسەوانی شەوە پەممەیی وسورەکانی سەرانی ئەم دەسەڵاتە دەکەن کە جوانترین ژنەکانیان بۆ دەهێنن بۆ ماڵەکانیان و ئوتیلو ڕیستۆرانە حەوت ئەستیرەیی یەکان…؟! وە دوای تەواو بونیشاین بڕە پارەکیش دەخنە گیرفانیان وەک پاداشتیک بۆ پاسەوانیان،،؟!
هەر بۆ نمونە ڕۆژێک لە یەکێک لە ڕاپۆرتەکان سەبارەت بەم دیاردەیە لە کوردستان بە تایبەت شاری هەولیر کە لە زمانی یەکێک لە کچە هەرزەکارێکەوە باسی کردوە کە ژنە دەڵاڵەکەی پێی وتوە ئەمشەو لە هوتێلێکی حەوت ئەستێرە لەگەڵ یەکێک لە سەرکردە گەورەکانی پارتی شەو بەسەر دەباتو پارەیەکی خەیاڵی وەردەگرێت هەقی ئەوەی کچە و تا ئێستا لەگەڵ کەس نەخەوتوە.
ئاخر ئەمە چ کارەساتێکە بەسەر ژناندا دێت….!

ئەم پۆلسو چەکدارانە کە لەم ڤیدیویەدا ئاوا سوکایەتی بەم ژنە بێ دەسەڵاتو داماوانەدا دەکەن ئاخۆ دەتوانن بچنە بەردەم ئەو ئوتێلەی کە سەرانیان لەگەڵ هەمان ژنانی سیکس فرۆش ڕمبازێن دەکەن..؟! دیارە بێگومانە نەخێر،چونکە ئەمانە خۆیان هەم پاسەوانو هەم قوربانی دەسەڵاتن.
بۆیە پێویستە ئەم پاسەوانانەی دەسەڵاتدارانو هەر کەسێکی تر کە خۆیان وا نیشان دەدەن دژی ئەم دیاردەیەن ئەوە بزانن کە هەرگیز بەو شێوە بیرو کارانە لە سایەی دەسەڵاتی چەوسێنەرانەی ئەمانە ئەم دیاردە دژی ئینسانی یە لەناو دەبرێت . ڕەنگە بە ئاشکرا نایهێڵن بەڵام بە نهێنی هەر دەمێنێت .
چارەسەری ئەم دیاردەیە لە گرەوی نەهێشتنی زەمینە ئابوری و کۆمەڵایەتی و کەلتوری یەکانو دەستەبەرکردنی ئازادی و یەکسانی هەمەلایەنەی ئابوری و کۆمەڵایەتیدایە. بێگومانە ئەمەش کاری شەوو رۆژێک نی یە بەڵکو پرۆسەیەکی دەوێت بەر لەهەر شتێک ڕاماڵینی ئەم جۆرە دەسەڵاتەی دەوێت کە بۆتە هۆی سەرهەڵدانو زیادبونی چەوسانەوەی ژنان و بارزگانی پیوەکردنو سیکسفرۆشیان.

جا بۆیە هەتا ئەم دەسەڵاتانە لەسەرەوە بۆ خۆیان بەرامبەر هیچ ماندوبونو ووزە بە فیرۆدانیکو کارێکی تاقەت پڕوکێنو بە شێوازی دزیو گەندەڵی نهینی و ئاشکرا خاوەنی پارەو پولو هەمو هۆیەکانی بەرهەمهینانو سەرمایە بن ،و ئەم دۆخە نا ئینسانی یەش بەسەر خەڵکی ستەمدیدە بە گشتی و ژنان بە تایبەتی بسەپێنن ئەوە بێگومانە هەندێک ژنانیش هەر بۆ پاروە نانێک توشی داوی ئەم کارە نا ئینسانی یە دەبن.
بیگومان لەهەر ڕویەکەوە سەرنجی پەیداکردنی ئەم شێوە پارە پەیداکردنەی ئەم ژنە بێتاوانانە بکەین ئەوە حەڵاڵە لە چاو پارە پەیداکردنەکەی سەرانی ئەم دەسەڵاتە کە لەسەر حیسابی قوتی نزیک بە پینج ملیۆن خەڵک پەیدای دەکەن.

٤-٣-٢٠١٨

Previous
Next
Kurdish