Skip to Content

زانکۆ و کتێب … هۆشیارجەمال

زانکۆ و کتێب … هۆشیارجەمال

Closed
by نیسان 1, 2018 General

زانکۆ لەسەرتاسەری جیهاندا شوێنی زانین وزانست بووە و هەردەم لە گەڵ ناو هینانی ناوزانکۆدا کتێبیش وەک سەرچاوەی زانست وزانیاردێت، لە سەرجەم زانکۆکانی جیهان ڕۆژانە فێرخوازەکان بە شێکی کاتەکانیان بە خوێندنەوە لە زانکۆ بە سەردەبەن و کتێب بە شێکی گرنگی ژیانی زانکۆ پێک دێنیت ،و لە ئەنجامیشدا جگە لە خۆڕۆشنبیرکردن و بەرزکردنەوەی ئاستی زانستی ، خوێندنەوە دەبێتە هۆکارێکیش بۆ پێش خستنی ئاستی زانستی زانکۆ و ئەو بەشەی فێرخواز لێدەخوێنێت.

بەڵام لەزانکۆکانی کوردستان هیچ پەیوەندیەکی پتەو نیە لە نێوان فێرخوازان و کتێب و کێبخانەکانی زانکۆ و کۆلێجەکان، کە ئەمەش بۆخۆی کارەساتە، خوێندکار گەر بۆ ڕاپۆرتێکی ناچاری نە بێت کە مامۆستاکەی ڕای دەسپێرێت ئامادە نیە هەرگیز بچیت بۆکتێبخانەی زانکۆ یان کۆلێجەکەی، وە لە ڕاستیدا ئەوەندەی سێڵفی گیراوە لەزانکۆکان نیو ئەوەندە کتێب بخوێندرایەتەوە، لە ئێستا دا بەدەرلە بەرز بوونەوەی ئاستی ڕۆشنبیری خوێندکارەکان ئاستی زانستی زانکۆکانیش بەرو پێش چووبوو.

تەنها چەند ڕۆژێک دەوام کرد بە سە بۆ شارەزابوون لەو وێران بوونەی لە زانکۆکانی هەرێمی کوردستان هەیە لەو دێڕەی جێرۆک نوس مامۆستا شیرزاد حەسەن تێدەگەیت کە دەڵێت”لەزانکۆکانی کوردستان خوێندکارێک ئەگەربیەوێت بخوێنێتەوەئەوا بە شەرمەوە کێبێک دەگرێت بەدەستیەوە چونکە توشی تانە وتەشەر دەبێت لەلایەن هاوڕیکانەوە”لە ڕاستی دا ئەم جۆرە بیرکرنەوەیە ی خوێندکارێک بۆ کتێب بەرئەنجامی چەندین هۆکاری کەڵەکە بووی پێشترە کە پێوستی بەلێکۆڵینەوەی ورد هەیە.

خوێندکار پێش زانکۆ لە قۆناغی ئامادەی وناوەندی فێرنەکراون تا بخوێنەوە جگە لە مادەکانیان چونکە بەشیکی زۆری مامۆستایان خۆشیان ناخوێنەوە بە ڕاستی کارەساتە مامۆستا بیت و کتێبخانە لەماڵەکەتدا نەبێت، ڕۆژانە تووتی ئاسا تەنها ئەو چەند لاپەرەیە بڵیتەوە کە کردوتە بە ئەرک بە سەرخوێندکارەکانەوە.ودواجاریش هەر کۆمەڵێکی تووتی ئاسا جێگەی دەگرێتەوە.

دواتریش لە ساڵی کۆتایی ئامادەی کە دەکاتە پۆلی (١٢)خوێندکاردەکرێتە دوژمنی زانست و کتێب چونکە ساڵیکی تەواو لە شوێنیدایە هیچی کەمتر نیە لە دۆزەخ و هەموو ئایندەی دەبەستن بە چەند کاتژمێرێکی شومەوە،کە زۆر جار لە هەرلەترسی هینانی نمرەی کەم باری دەرونی تێک دەچێت و نمرەی کەم دە‌هێنێت.هەربۆیە کە دەگاتە زانکۆ خاڵیە لە هەموو جۆرە زانین زانیاریەک
کێبخانەکانی زانکۆش لە ئاستی پێوستدا نین ڕاستە ڕەنگە بە هەزاران سەرچاوەیان لە لادەست کەوێت بەڵام سەرجەم وئەو سەرچاوانە کتێبی زۆر کۆنن وکوالیتیان لە ڕووی چاپەوە زۆر خراپە کە بۆکەسێک گەر بیەوێت بخوێنتەوە بە بەردەوامی ئەوا ئەبێت حسابی کزبوون ولاواز بوونی چاوەکانی بکات ولە ئیستاشدا هێچ ئاسۆیەکی رون نیە بۆ چارەسەرکردنی ئەم گرفتە وئاشتکردنەوە ی خوێندکاری زانکۆ وکتێب.

Previous
Next
Kurdish