چیرۆک / شەقامی زیندانییە نۆستالیژیاکان … نوسینی: حـەمە ھـیـوا
گوێبیستی ئەو گوتانەم،کە پیاوە ناساغەکە دەیچپێنێت بە گوێچکەی کچۆڵەکەیدا.
ئەوکاتانەی باوک دێت و فرمێسکی کچە بچوکەکەی دێتە خوار،ئێمەش دەگرین،دەگرین لەبەر ئەوەی نامانەوێ بمرین.
جارێکیان ھاتە لای فرۆشگایەک لە ھەمان شوێن،ئەو فرۆشگایەی پیرەژنێکی پەککەوتوی گۆچان بە دەست خاوەنیەتی.
لەوێدا بۆیەکەم جار بۆی دەرکەوت کە پیرەژن لەگەڵ ئەوەی پشتی چەماوەتەوە درەنگیش دەبیستێت ڕەنگە ھەر نەبیستێت،بەھەرحاڵ ھاتە ئەوێ و لە پشت یەکێک لە کاڵاکانەوە کچ و باوک ھێمایان ئاڵوگۆر بەیەکتر کرد و ھەردوکیان چونە جێگای ژوان.
_باوکە دەمھەوێت لێت بپرسم ئێمەی مرۆڤ چۆن دروست دەبین؟ئایە دایک و باوکان شەوان زاوزێ دەکەن و ئێمە دروستدەبین؟یاخوود ھێزێکی میتاڤیزیکی ھەیە ئێمە دەھێنێتە بوون؟
_کچۆڵەکەم من ئێستا تەمەنم سێ دەیە و نۆ ساڵێک دەبێ.راستیەکەی مەبەستمە بڵێم ئێمە تەنھا بە کردارێکی جوتبوون نایەینە دونیا،بەڵێ ھێزێک کە لەودیو سروشتە و لە نێوان بوون و نەبوندا ملیاران ساڵ شەری لەسەر دەکرێ ئێمە دروست دەکات.
_باوکی باشم ئایە تۆ پێتوایە ئەو دونیا بونی ھەیە،دەچێتە ئەندێشەتەوە ئێمە دوای کۆچی ئەبەدیمان جارێکی تر ھەناسە وەرگرین و ببەخشین؟
_من بروام وایە بونی ھەیە دونیای دواتر،ئەمەشت کە پێدەڵێم لە خۆڕا نیە،بەڵکو من پۆلێنکاریم بۆ دەیەھا شتی ئاڵۆز کردوە.پەیامی من لێرەدا ئەوەیە،دەبێت مرۆڤ ھەمیشە خاوەن خودایەک بێ،خودایەک ھی ھەمووان خودایەک ھی مرۆڤەکان ھی مێرولەکان ھی گشت جانەوەرەکان.
ئێمە چوار زیندانین لە مەملەکەتێکی ڕەشەوە نێردراوین بۆ ئێرە،ئێمە دژی کوشتن دۆستەکانین،دەمانھەوێت لە رێگای ئەو شتانەی کە بەسەرچون بریارێک بدەین،بەڵام بریارێکی پۆزەتیڤ و ئەرێنی.
ئێمە لێرە بەوە زیندانین کە دەبێت ھەمیشە لە جەنگ دابین،جەنگێکی پڕ لە کوژراوی ستەملێکراو،ئێمە بەوە زیندانین کە دەبێ ھەمیشە سۆبێکتە پڕ لە پیساییەکانمان بھێنینە ئۆبێکت.
لەم شەقامەدا چوار کەس دەژین سێ کچ و کوڕێک،ئەوەی کە ئەمانە دەکات بە نوسین منم،ناوم ئیلیایە.
سێ زیندانیەکەی تر لە ھۆش خۆ چوون،دەمێکیشە لە ھۆش خۆ چوون،نازانم من وەک ھۆشدارێک،یاخوود وەک دوپێیەکی زیندوو چی بکەم بە بیانوو بۆ ئەوەی ئەوان بھێنمەوە ئاگا.
ساڵی ٢٠٠٦ ی مانگی ڕەشەمێ کە گەیاندراینە ئێرە ھیچ گرفتێک لە ئەستۆمان نەبوو،ھەر چوارمان خاوەن پیشەیەک بوین.
وەک ئاماژەم پێدا ئێستا ئێمە کورێکمان لەگەڵە کوڕێکی مەسیحیە و ناوی کریستیانە.
من و ھێلینا و فاتیمەش سێ کچین شەو و رۆژ لەم شەقامە دەگوزەرێنین،سێ کچی دەستەمۆکراسی دەست یادەوەریە زیندە بە گۆڕەکان.
ئێستا کە ساڵێک تێپەربوە بەسەر ئەم روداوە نەخوازراوانەوە زۆر شت شایەنی باسن،بەڵام سەرەکیترینیان ئەوەیە ئایە ئێمە چۆنی زیندو دەبوینەوە.
دەبوو بگەرێم بە شوێن ئەو کچە گومڕایەی کە باوکی وەک ئینسایکڵۆپیدیایەک وابوو بۆی،بەڵام ئەفسووس ئەوەتاین بێ ھۆش کەوتین و دەگەڕێینەوە بۆ سەدەیەک پیش ئێستا و ،دواتریش پێشدەکەوین بۆ سەدەیەکی دی…
نوسینی/حـەمە ھـیـوا
