له یادی ساڵوه‌گه‌ری تیپی مۆسیقای پاشای گه‌وره دا ن … كامه‌ران حاجی ئه‌لیاس
ئێستا وه‌كو خه‌ون دێته‌وه یادم ساڵی 1977 ده‌قاو ده‌ق به‌رواره‌كه‌م له‌بیر نیه به‌ڵام مه‌زنده ده‌كه‌م مانگی شه‌ش بێ ئه‌و كاته‌ی له گۆره‌پانی قوتابخانه‌ی پاشای گه‌وره سه‌رجه‌م قوتابیانی قوتابخانه‌وه‌ستا بووین بۆ وه‌رگرتنه‌وه‌ی ئه‌نجامی ئه‌زموونه‌كانی كۆتایی ساڵ پێش دانه‌وه‌ی ئه‌نجامه‌كان مامۆستا زرار له نێو گۆره‌پانی قوتابخانه له وته‌یه‌كی كورتدا گووتی: به‌نیازم تیپێكی مۆسیقا دابمه‌زرێنم و خوولێكی موسیقا ده‌كه‌مه‌وه هه‌ریه‌كێك له ئێوه حه‌ز ده‌كات یان ئاره‌زووی فێر بوونی مۆسیقای هه‌یه باناوی خۆی بنوسێت..له‌به‌ر ئه‌وه‌ی من له‌م قوتابخانه‌یه هه‌ر له‌سه‌رده‌ستی مامۆستا زرار به‌شداری چه‌ندین ئۆپه‌رێت و شانۆگه‌ریم كردبوو بۆیه حه‌زو و ئاره‌زووم زیاتر بۆ شانۆ ده‌چوو نه‌وه‌ك مۆسیقا،هه‌رله‌به‌ر ئه‌وه‌ش من ناوی خۆم بۆئه‌و خووله نه‌نوسی به‌ڵام هه‌رگیز له خووله‌كه دوور نه‌بووم هه‌رده‌م هامووشۆی خووله‌كه‌م ده‌كرد له نیگارگایه‌كه‌ی(مه‌رسم) مامۆستا زار له نهۆمی دوومی قوتابخانه‌ی پاشای گه‌وره بوو كه جگه له موزیك چه‌ندین خوولی تریش هه‌ر له‌سه‌رده‌ستی مامۆستا زار هه‌بوو وه‌كو خۆش نووسی ، جوانكاری..ئه‌م ژووره هونه‌رییه ته‌نیاپه‌یمانگایه‌كی هونه‌ری نه بوو به‌ڵكو قوتابخانه‌یكی كوردایه‌تیش بوو هه‌رده‌م ئامۆژگای ئێمه‌مانی ده‌كرد كه چۆن خاك و كورد وكوردستانمان خۆش بوێت فێری كردین هه‌رده‌م خاوه‌ن هه‌ڵویست بین هه‌رئه‌م په‌روه‌ده‌ش بوو دوای راپه‌رینی 1991 كوردستان ده‌ركه‌وت زۆر به‌ی ئه‌ندامان وه‌ك پێشمه‌رگه له رێكخستنه‌كانی حزبه‌كان بوون به‌ڵێ ئه‌م نیگار گایه له‌لایه‌ن هونه‌رمه‌ندێكی گشتگیر به‌رێوه ده‌چوو له‌هه‌مووی سه‌یرتر پێداویستیه‌كانیش وه‌كو ئامێری موزیك و كه‌رسته‌كانی خووله‌كه هه‌ر له ئه‌ستۆی خودی بوو بێ ئه‌وه‌ی كه‌سێك یان لایه‌نێك هاوكاری ئه‌و زاته بكات ، بگره هه‌ندێك كه‌س به چه‌ندین شێواز ده‌بوونه كۆسپ بۆ ئه‌وه‌ی ئه‌و پرۆژیه‌یه سه‌رنه‌كه‌وێت به‌ڵام مامۆستا زرار بێگوێدانه ئه‌م و ئه‌و له‌سه‌ر به‌رنامه‌كه‌ی خۆی به‌رده‌وام بوو .
دوایی هه‌وڵ و كۆشش و هه‌وڵ و ماندوو بوونێكی زۆر له 1977/7/1 له سه‌ر ده‌ستی مامۆستای پایه‌به‌رز هونه‌رمه‌ند (زرار محمد مسته‌فا) تیپی مۆسیقای پاشای گه‌وره هاته دامه‌زراندن و رۆڵی به‌رچاوی هه‌بوو له خزمه‌تكردنی هونه‌ری ڕه‌سه‌نی مۆسیقا له شاری رواندز و ته‌واوی كوردستان.
ئه‌م هونه‌رمه‌نده له‌سه‌ر توانای خۆی بێئه‌وه‌ی كه‌سێك یان لایه‌نێك هاوكاری بكات توانی پۆلێ له هونه‌رمه‌ندانی موزیك پێیگه‌ێنێت كه‌ئێستا رۆڵی به‌رچاویان هه‌یه له گۆرپانی هونه‌ری موزیكی كوردستان، به‌ڵێ 41 ساڵ به‌ر له‌ئه‌مرۆ ئه‌م تیپه دامه‌زارا توانی له ماوه‌یه‌دا چه‌ندین هونه‌رمه‌ندی وه‌ك (سیروان سیرینی ، شێرزاد حه‌یده‌ری، چه‌تۆ نه‌ورۆز ، ئامانج غازی ، سه‌ید ئه‌حمه‌د رواندزی ، فاروق باپیر، زینل خیری ، ئه‌حمه‌د شێخه.. ) چه‌ندانی تر له‌سه‌رده‌ستی هونه‌رمه‌ندی پایه‌به‌رز ( زرار محمد مسته‌فا ) پێگه‌یشتن هه‌روه‌ها ئه‌م تیپه له‌ماوه‌ی ته‌مه‌نی خۆیدا توانی چه‌ندین كاری هونه‌ری ئه‌كادیمی و پێشكه‌ش بكات و چه‌ندین موزیكی جیهانی وه‌كو ئۆكێسترا پێشكه‌ش به هه‌ودارانی موزیك بكه‌ن و چه‌ندین گۆرانی بێژیش له‌م تیپه كاره‌كانیان بڵاو بكه‌نه‌وه وه‌كو( ولی دۆسكی، ئه‌حمه‌د مه‌ندانه، هاوتا ئه‌سعد، كاڵێ،ئه‌بوو بكری لزگی، ناسڕی ره‌زازی،سامان و سه‌لام ، خدر بێجانی …) چه‌ندانی تر
به‌داخه‌وه له‌دوای راپه‌رینی 1991 گه‌لی كوردستان به‌هۆی ململێنی حزبی وكۆچكردنی هونه‌رمه‌ندان بۆ ده‌ره‌وه‌ی شار په‌رته‌وازیی له‌نێون ئه‌م تیپه روویدا هه‌رچه‌نده ئێستا ئه‌م تیپه ماوه به‌ڵام هیچ چالاكی هونه‌ری ئه‌وتۆی نییه.
له‌كۆتاییدا هه‌زاران سڵاو چه‌پكه گوڵ پێشكه‌ش به مامۆستای گه‌وره‌و خۆشه‌ویست و ماندوو دڵسۆزی هونه‌ر مامۆستا زرار محه‌مه‌د مسته‌فا ده‌كه‌ین هیوای ته‌مه‌ن درێژی بۆ ده‌خوازین.
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
