Skip to Content

له‌ ترپه‌ی دڵ كورت تر  …. نه‌ژاد عزیز سورمێ‌

له‌ ترپه‌ی دڵ كورت تر …. نه‌ژاد عزیز سورمێ‌

Closed
by ته‌مموز 23, 2018 General, Poems

ئه‌وه‌بوو قه‌ڵای سه‌رچڵی و ڕسكانمان ؟
ئه‌وه‌بوو خه‌ون و چراوگی ڕێگامان ؟

( مانگ – ێكمان هه‌بوو
هه‌ندێ‌ جار نان و
هه‌ندێ‌ جار په‌نا
ئاسمان لێی به‌ تاڵان بردین
ئێستا بێ‌ نان و بێ‌ په‌ناین..! )
…………
…………
………….؟؟

نیو سه‌ده‌:
ڕووته‌ڵه‌ ،
چه‌ترمان له‌ سێبه‌ر هه‌ڵداوه‌
هه‌نیه‌مان ئاره‌قه‌ی گوناهی پێدا دێته‌ خوار
نیو سه‌ده‌…

نیو سه‌ده‌ی خیزه‌ڵان ..
به‌ چڕنۆك ،
به‌ تاوی فڕین و به‌ خوێنی ئومێد..
بێده‌نگیمان به‌ هاواره‌ گومڕاكانه‌وه‌ دیار..

نیو سه‌ده‌ ،
دورگه‌یه‌ك بووین دوور….
هه‌موو دونیامان له‌ وێنه‌ی گۆزه‌یه‌كی شكاودا بینی .

( هه‌بوو پرچی دڕنییه‌وه‌
هه‌بوو دایده‌هێنا..
ئێمه‌ش بۆ ژیان به‌ دوای
خۆڵه‌مێشی ،
سووتانی خۆمان ئه‌گه‌ڕاین ..
بكوژی – حسێن –
هه‌موو پاكیزه‌یی دونیای
له‌ كراسێكی سووردا
به‌ دڕنده‌ی چیایان سپارد…)
………
…….؟؟

به‌ردیش پاڵی به‌ به‌رد داوه‌
ڕووبار له‌ چاوتا خنكاوه‌ ..

بمپارێزه‌ !
بمپارێزه‌ شووره‌ی خۆشه‌ویستی ،
شووره‌ی ئه‌به‌دیه‌ت ..
بمپارێزه‌ !
هاوارێكی ترم پێ‌ نه‌ماوه‌ …
بم
پا
رێ
زه‌….. !
7/1994

Previous
Next
Kurdish