Skip to Content

دەنگ بۆ تۆ ئەدەم … یوسف إبراهيم

دەنگ بۆ تۆ ئەدەم … یوسف إبراهيم

Closed
by ئه‌یلول 19, 2018 General, Poems

درەنگی شەوە
بە شەقامەکانی شار دەسورێمەوە
سەرنجی لافیتە بە لافیتە دەدەم
لە هیچ دروشم و بەلێنێکیان
نەنووسراوە تۆم بۆ دەگەڕێننەوە
لەم دنیایە چی تر هەیە
لە تۆ گەورەتر بۆم
تا من دەنگی بۆ بدەم؟

درەنگی شەوە
لە تیڤی و رادیۆکان بێزاربووم
کەناڵ و وێستەگاکان خەجالەت
هورێنەیان کەڕی کردین، ئەلێن
ئەوەی پێویستتە ئێستا منم
بێ خەبەر لەوەی
ئەوەی هەردوو دونیا
پەیوەستم پێی
تۆیت

درەنگی شەوە
هەر کۆڵان و رەنگێکی لەبەر کردووە
هەر چی دار و دیوارە
کەسێکی بەسەرەوەیە
دەنگی ئەگاتە ئەوسەر
کەچی لەم هەموو دەنگە
من بیری دەنگی
تۆ ئەکەم

درەنگی شەوە
لە شارێکی قەرەباڵغ
پڕ بەڵێنی درۆ
بیری بەڵێنی تۆم ئەکەوێتەوە
لەم هەموو بێ بەڵێنیەی ئەوان
من هێشتا بەڵێنەکانی تۆم
لەبیرناچێتەوە

درەنگی شەوە
یادگاریەکان ئەکەمەوە کۆڵم
بەرەو ماڵەوە رێ ئەکەم
چوار ساڵی تر
هەمان بەڵێن دەڵێنەوە
نەئەوان دەیبەنە سەر
و نەتۆش دێیتەوە

یوسف إبراهيم

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish