![سەعات نۆ … نەوزاد بەندی سەعات نۆ … نەوزاد بەندی](https://dengekan.info/wp-content/uploads/2019/07/Anfal-w-sat-465x300.jpg)
سەعات نۆ … نەوزاد بەندی
Closed
یوم الحساب نۆ پیت
ئەلئەنفال نۆ پیت
کوردوستان نۆ پیت
سەعاتێکی مەچەک
بە مۆڵەتێکی کاتیی
ھاتۆتەوە ..
پێمان بڵێ :
لاویم بە دیار
ڕزینی مەچەکێکەوە
بەسەر چوو..
سەعاتێکی
سیتیزن
ئۆرێنت
یان ڕیکۆ ..
داخڵی ھروب بووە ،
ھەتا بێت و پێمان بڵێ :
باش نیم ..
لێیشم مەپرسن بۆ ..
ئێمە ئیتر
ھیچ شک نابەین
چونکە سەعاتەکانی ئەمڕۆ
داھاتوویان
ھەرگیز باشتر نابێ لە تۆ .