شیعر- هاتو.. کەنعان مدحەت
Closed
دایکی وەرز
ئیزنی بە سەفەری زستانی
سڕ و سارد دا
ئاماژەی کاروان یەکلاکاتەوە
لە بەرزاییەکانی ئەرارات تا بناری قەندیل
تەواوی زەرد و سوور ڕێککەون
سەوز و شین..
تا تەختاییەکانی کفری
رەشماڵ هەڵدەنەوە
کچان..
رووت رووت
لە گۆمە گزنگی سپی بەیانیانا
مەلە بکەن
بە قاقا
کۆڕان لە خەو کەنەوە
تامی ماچی
لێوی لە دەنکە هەناری
یەک لە یەکی سوورتریان
لێک جیاکەنەوە
مەگەر تەڵی رووناکی لە کۆتا نەهات
ئەوەندە بە بەها و
دەگمەنتر بێ
ئەوەندەی ماچ و دڵداری و
وەندەی خۆشەویستی بێ سنوور و
مرۆڤ دۆستی
مەگەر
مەگەر ….
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
