شیعر بۆ منداڵان/ جەژنی بەفر.. زیاد ڕەشاد قادر
0
Be First!
بەم زستانە
لەم کوێستانە
بە ئەسپایی
وا داباری
بەفری جوان بەدەم سەماوە
… … …
خاک سپیپۆش
بەزمێكی خۆش
جەژنی بەفرە
چێژ وەربگرە
قەت دونیا وا نەخەمڵاوە
… … …
وا هاوڕێیان
لە گۆڕەپان
کۆمەڵ کۆمەڵ
شەڕەتۆپەڵ
گەرم دەکەن بە هەراوە
… … …
دیە و کارین
وا دابارین
بەسەر یەکتر
شەڕە بەفر
نییە دۆڕاو و براوە
… … …
لە خوێندنگە
من و شەنگە
شیرین شیرین
ستران دەچڕین
لە خۆشیی بەفر و سەرماوە.
زیاد ڕەشاد قادر/ هەولێر
