Skip to Content

نامه‌كانی ئیشق هه‌موو به‌یانییه‌ك -6- سه‌ردار جاف

Closed
by ئازار 29, 2019 General


9 – له‌ ته‌ك خۆر پێكه‌وه‌ ئه‌م به‌یانییه‌ باڵای جوانترین ژن ماچ ده‌كه‌ین، ژنێك له‌ ترۆپكی چیا بڵندتر، له‌ ئێڤرێست سه‌ختتر له‌ به‌فره‌كه‌ی سپیی تر، له‌ شه‌ونمی ده‌م كازیوه‌یه‌كی گزنگ ته‌ڕته‌ڕ تر، به‌ر له‌شه‌به‌قی رۆژ روونتر و پاكتر ، ژنێك سه‌دای به‌ سۆزی ده‌نگی میلۆدی له‌ بولبول خۆشخوانتر، قسه‌كانی خۆش مه‌شره‌ب و دییه‌كانی پڕ غه‌مزه‌ی سیحراوی ئیشق، ژنێك جوانتر له‌ مانگ و ئه‌ستێره‌ و گوڵ، پرچی خاوتر له‌ ئاوریشمین، باڵای زه‌نگی وریابوون و دووراو به‌ باڵام، ژنێك له‌ش و لارێكی نه‌رمتر له‌ لۆكه‌، ژنێك پڕ هه‌یبه‌تی ژنێتی، ژنێك پڕ له‌ زیكر و ته‌هلیله‌ی ته‌كیه‌ و خانه‌قای شێخان و لێوانلێو له‌ وه‌سفی حه‌یرانی هه‌ولێریان و هۆره‌ی جافی و ئاوازی كوردی، ژنێك به‌ ناوی كرۆكی ژنانه‌وه‌ ئیلهام به‌خشی نووسین، ژنێك ئاڵ و واڵاتر له‌ گوڵ و هه‌ر خۆی له‌ گوڵ گوڵتر.


10 – به‌یانییه‌ و په‌نجه‌كانی به‌ نێو چیمه‌نی سینگما پیاسه‌ی له‌ گه‌ڕانی رۆمانسیه‌تا نغرۆ بووه‌ و بۆنی سینگی توكنیم ده‌كا، به‌یانییه‌ و باڵا لاولاوی خۆی له‌ قه‌د قامه‌تما رۆنیشاندووه‌ و باڵای شیر ڕه‌نگی له‌ له‌شی گه‌نم ڕه‌نگیم ده‌سوێ و لێوه‌كانی پرته‌قاڵی ده‌كه‌نه‌وه‌، ئه‌م به‌یانییه‌ به‌ حه‌سره‌ته‌وه‌ له‌و سه‌ری جه‌مسه‌ری هه‌ناسه‌مه‌وه‌ ده‌گه‌ڕێته‌وه‌، به‌ده‌م ئه‌و خه‌یاڵدانه‌ی سپێده‌مه‌وه‌، به‌یانیت به‌ سڵاوی سپێدانم جوان ده‌كه‌م وه‌ك ئه‌و ئاشقانه‌ی سه‌ره‌ ڕێ له ڕه‌یحانه‌ ده‌گرن و چه‌پكه‌نه‌ی ده‌كه‌ن بۆ سینگی یار، به‌یانیت له‌ ته‌ك ئیشقما هه‌ر له‌ سه‌ماكردن بێ ، ئه‌و سه‌مایه‌ت كه‌ فێری كردم له‌ مه‌رگ نه‌ترسم چونكێ له‌ جوانی سه‌مات حاڵی بووم به‌ ئه‌شق و ته‌واوی حه‌زه‌وه‌ له‌ ته‌ك ریتمی مۆزیكێكدا بۆم ده‌له‌نجێنی، روحی دابڕان په‌ی پێ نابه‌ی گوڵه‌كه‌م له‌ گوڵ گوڵتر .


11 – به‌یانییه‌ و رۆژی ڕێزی ژنه‌، چما بۆ وا بێ هه‌ر ئه‌مڕۆ ڕێزی تۆی ژن بێ، تۆ له‌ قه‌راغی ته‌مه‌نمه‌وه‌ بووی به‌ته‌واوی ژیانم و له‌و رۆژه‌وه‌ی ئاسۆی خۆرت له‌ دڵما هه‌ڵات ڕێز و نۆكه‌ریم به‌ باڵای روح و گیانتا دووریوه‌، تۆ ته‌نها نیت، له‌ ته‌ك ملیۆنان كیلۆمه‌تری ده‌ماره‌كانتان خۆپیشاندانتان له‌ سه‌ر شانه‌كانی هه‌نگوینیم ساز دا، كه‌رنه‌ڤاڵ و ئاهه‌نگێڕانی رۆژانه‌ و ساته‌كانت خه‌رمانی پیرۆز بوونی رۆژی ژنه‌ نه‌ك هه‌ر هه‌شتی مارس تۆ لای من ژن بی، تۆ چركه‌ به‌ چركه‌ ئه‌و ژنه‌ ته‌لیسمه‌ی هۆگری هه‌گبه‌ی هه‌ڵڕشتی به‌مه‌یلكردنی خۆتیت له‌ دونیای ته‌مه‌نی عه‌وداڵیم بۆ ئازادیت بۆ جوانی بیر و خه‌رمانی ڕه‌فتاری مه‌عریفیت، تۆ گوڵه‌ وه‌نه‌وشه‌ی دونیای سۆراغی منی، نه‌ك سه‌د و یانزه‌ ساڵ به‌ر له‌ ئه‌مڕۆ ته‌واوی مێژووی رابردوو تۆیه‌كی تری نه‌خولقاندووه‌ و نای خولقێنێ، ئه‌وه‌ ئیحاكه‌ی تۆیه‌ وام پێ ده‌ڵێ كه‌ تریفه‌یه‌كی له‌ هه‌شتی مارسا له‌ هه‌ره‌ جوانه‌كانیانی گوڵه‌كه‌م له‌ گوڵ كوڵتر.

ئه‌ڵمانیا
4 و 7 و 8 / 3 / 2019

Previous
Next
Kurdish