خەونەکان لە خومان باشتر دەژین … دانا ئەحمەد

بە جورێک کات بەسەر دەبەین
ژیانمان بە درۆ خستەوە
بەوەی ژیان جگە لە ژیان
بۆ شتی دیکەش دەست دەدات

لە شەو تاریکتر
ئەو ئاسویە بوو
چاوی هیوامان تێبڕی

لێرە هەموو رێگاکان یەک ئاراستەیان هەیە
ئایەتەکان لە تەفسیرێک زیاتر هەڵناگرن
هەموو گورانیەکان وەک مردن لە یەک ئەچن

بێداری جگە لە راکردن لە خەوێکی درێژ
هیچی جوڵەیەکی بۆ ژیان تێدا نەبوو
خەونەکانمان کرد بە چیرۆک
تا لە سەرزەنشتی داهاتوو دوربین
کە شتێکمان نەبێت بە کەڵکی گێرانەوە بێت!

Dengekan

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.