چه‌پكێك هۆنراوه بۆ منداڵان … تاجی سه‌ركه‌وتن
تاجی سه‌ركه‌وتن
عه‌لی حه‌مه‌ڕه‌شید به‌رزنجی
ته‌ماشا چــــه‌ند به‌خته‌وه‌رم
چونكه تاجی سه‌ركــــه‌وتنم
بــــه‌جوانی كردۆته ســه‌رم
….
وا مامۆستا و بابــه و دایــه
كـه بــــه‌مشێوه‌یه ده‌مبینن
خۆشییان زۆر لـه دڵـدایــه
……
له‌دووره‌وه بانگم ده‌كـــــه‌ن
باوه‌شم بۆ ده‌كــــــــه‌نه‌وه
ماچ و خه‌نده‌م بۆ هه‌ڵده‌ده‌ن
….
ئای چه‌ند دڵم شادومانه
باخچـه‌ی منداڵان جێدێڵم
ده‌ڕۆم به‌ره و قوتابخـانه
….. 18/5/2019
دیارییه‌كه‌ی دایكم
عه‌لی حه‌مه‌ڕه‌شید به‌رزنجی
ئای چه‌ند خۆشبوو له‌سه‌رخۆ
دایكم كــه‌وته گفتـوگـــۆ
وتی ڕۆڵه‌ی شـــــــیرینم
دیــاریم هێناوه بۆ تــــۆ
…
منیش زۆر به پــــه‌رۆشی
سه‌رم خسته ســـه‌ر كۆشی
ده‌ستی هێنا به‌ســـه‌رما
دنیایه‌ك خــۆشیم نۆشی
…
پاشان دایه ده‌ست و برد
هات منی ماچ باران كـرد
ماچ خه‌ڵات و هــانده‌ره
بۆ ئێمه‌ی ژیكـه‌ڵه و ورد
…
هێنده‌م زانی دایه خان
وتی فه‌رموو ڕۆڵه گیان
ئه‌وه چـه‌ندین كتێب و
گۆڤاری نوێی منداڵان
…
وتم دیــــاری تۆ و بابه
بـــــه‌بــــاشی دڵنیابه
چونكه دڵســـۆزی ئێمه‌ن
زۆر بــــه نرخ و نایابه
…
وا منیش بڕیـــار ده‌ده‌م
كتێبخانه‌ی ژووره‌كــه‌م
به‌و هاوڕێ به‌نرخـــانه
زیاتر فراوان بكــــه‌م
…
27/12/2016
خه‌ون و خۆزگه
عه‌لی حه‌مه‌ڕه‌شید به‌رزنجی
منداڵێكی بچــــــــــكۆلانـه‌م
به هـــاوشێوه‌ی په‌پوله و هه‌نگ
پڕ پڕم لــه به‌هـــــره و هیوا و
دنیایه‌ك خه‌ون و خۆزگه‌ی شـه‌نگ
…
ســـــه‌یری چه‌ند به گورجوگۆڵی
به‌ره‌و ئاســــۆ هه‌نگـــاو ده‌نێم
له هــــه‌وڵدان ماندوو نابــــم
به خـــــه‌نده‌وه ســـرود ده‌ڵێم
…
زۆر حه‌ز ده‌كــــه‌م ببمه پێشه‌نگ
لــه كـــاروانی پێشكـــــه‌وتنا
به‌هێز و بــــڕوای بـــــه‌تینم
تا دیـار بم له ســــــه‌ركه‌وتنا
…
7/6/2018
منداڵ و ئاینده
عه‌لی حه‌مه‌ڕه‌شید به‌رزنجی
هــه‌ر منداڵان ئاینده‌ی
گـه‌شی كۆمه‌ڵن هه‌مـوو
پڕن له به‌هـره و هیوا و
خه‌ون و خۆزگه و ئاره‌زوو
…
به‌وانه‌وه شــــانۆی ژین
ڕه‌نگا و ڕه‌نگ و شـیرینه
پڕه له قاقا و خــه‌نده و
هه‌رخــۆشی و پێكه‌نینه
…
بڕۆن بۆ هه‌ر جێگایه‌ك
شـــادی له‌وێ میوانه
سیمای دڵگیری منداڵ
هه‌تاكو بڵێی جــوانه
…
ده‌ڵێی خه‌رمانی گوڵن
هێنده بێگه‌رد و پـاكن
بنیاتنه‌ری كۆمه‌ڵگه‌ن،
ئاینده‌ی گه‌ل و خـاكن
20 /6/2018
