کتێبی (عیشق، گەنج، ماڵ) بەمزوانە چاپ و بڵاودەکرێتەوە

ئەم کتێبە، کە تەوەری سەرەکی چەمکی عیشقەوعیشقیش یەکەمین وێزگەی ڕووبەڕووبوونەوەی گەنجە لەگەڵ ژیاندا، یەکەمین خەونییەتی بۆ ئەوەی ماڵێک بۆ خۆی و خەونەکانی چێ بکات. بەڵام کاتێک کۆمەڵگە وەک هێزێکی ئاڕاستەکەر و پشکنەر، ڕووبەڕووی ئەم گەنجە دەبێتەوە، شەڕ و ترس و دڵەڕاوکێ دێتەگۆڕێ، زۆر جار گەنج یاخی دەبێت و کۆمەڵگە وەلادەنێ، زۆر جاریش کۆمەڵگە توڕەدەبێت و گەنج پەراوێزدەخات.

زۆر جاریش گەنج لەگەڵ ئەوەی هەموو بەربەستەکانیشی بۆ لاببەیت، نازانێت و ناکارێت، ماڵێکی جوان و پڕ لەمانا بنیات بنێ، چونکە ئەو خۆی پەروەردە نەکردوە، ئەوەی ئەو بیری پێدەکاتەوە، هەر خودی ئەو سیستەمەیە، کە خوازیارە تێکی بشکێنێ. بۆیە حەکایەتی عیشق لە کۆمەڵی کوردەواریدا، حەکایەتێکی تراژیدی و خەم هێنەره، حەکایەتێکە لەجێی ئەوەی ژیان بونیات بنێت، بەرەو مردن هەنگاو هەڵدەگرێت.
(درێژەی باس، بڕوانە، کۆتا بەرهەم، کتێبی: عیشق، گەنج، ماڵ.
سایکۆفەلسەفی
پێشڕەو عبدوڵڵا
بڵاوکار: خانەی کولتوور، هەولێر) چاوەڕوان بن، بەم نزیکانە.

Dengekan

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.