Skip to Content

ڤایرۆسستان … نەوزاد بەندی

ڤایرۆسستان … نەوزاد بەندی

Closed
by ئازار 19, 2020 General, Poems

ڤایرۆس زۆرن ..
وەک ڤایرۆسی
بڕینی مووچە و
خواردنی نیوەی ڕاستی
یان سێ بەشی ..
ڤایرۆسی هەواڵی ناخۆش ،
بادانەوەی
هەزاربارەی
هەمان تەشی ..
ڤایرۆسی قسەی زلکردن
گەمژاندن و
دەروونی گەل کاولکردن ..
ڤایرۆسی خواردنی بودجە
هەر بە کاڵیی ..
ڤایرۆسی وون بوونی دۆلار
بە ملیۆنەها و بە ملیار ..
ڤایرۆسی بێدەنگی ولاڵیی ..
ڤایرۆسی کوشتنی خەونی
لاوان و
لەبار بردنی
دنیا جوانەکەی مناڵیی ..
ڤایرۆسی ترس و دوو دڵیی..
چڵکاوخۆریی ..
دوو زمانیی ..
سەدان جۆر پیس و پۆخڵیی
ڤایرۆسی بێ منەتیی تەواو
ڤایرۆسی شەقتێهەڵدان لە
مامۆستای پیری بەشخوراو ..
ڤایرۆسی زوڵم و نادادیی
ڤایرۆسی قبول خاس لەناو
زانکۆکانا و
کردنی زانست وزانین
بە جۆرێ لە مەلها و نادی ..
ڤایرۆسی یاریکردن بە
داهاتووی ملیۆنەها کەس ..
بۆ قازانج و بردنەوە نا ،
هەر بۆ هەوەس ..!
ڤایرۆسی موچەی بن دیوار ،
پارووی حەرام ، لول و دایس
ڤایرۆسی ڕاکردن لە دەست
داعش و حەسەن پلایس ..
ڤایرۆسی لە برسا کوشتن ..
پەراوێزخستنی خەڵکی
کەمئەندام و ..
شکاندن وسەیرکردنیان
بەچاوی سوک و بێ کەڵکیی
ڤایرۆسی کردنی گەمژه
به پڕۆفیسۆر وبە دکتۆر ..
ڤایرۆسی کوشتنی زانا ..
لێدانی دانا بە سەد جۆر ..

ڤایرۆس زۆرن ..
زۆرن ..
زۆر ..زۆر ..

Previous
Next
Kurdish