Skip to Content

خوێنی پەمەیی سیمرخی نیشتمان … شيعر: كاوه عوسمان عومه ر

خوێنی پەمەیی سیمرخی نیشتمان … شيعر: كاوه عوسمان عومه ر

Closed
by ته‌مموز 2, 2020 General, Poems

تەرزەی لمی مەرگت،،
بێ سیمرخی وونی شار..
هێدی هێدی بە سەر مێرگی دلێکی..
زەردهەلگراوا دەڕژێیتە خوار،،
خۆشت وون کەی،،
یان لێرە بی ،،،
یان هەر نشینگه یەکی تر..
هە ورە تەنیاو جه ستە خوێناویەکان،،
لە گریانی خۆیان بەردەوامن
………
لەگەل ئاوینە ڵێڵه کەی …
گەڵاڕێزانی پایزێکی ناوه‌ ختە شا..
هه‌ ر هیچ مه ڵێ،،،
دەرگای دنیایەک لە ئه فسانەی…
رۆشتنە بۆهەیمیە کانی منت بۆ واڵان
………
گوی ڕادێرە لە ئا وازی سەکسیفۆنژەنی…
ئە و بروسکە یە ی..
لە سەر لەپی ئا سمانیەک،،
چێرۆکی بێهوودەیی…
تارمایی سه‌ رابی وەک من و تۆی نوسی
………
بە چرپەیەکی سارد و تەزیو پێت ووتم
بؤچی لەم دەروازەی دۆزەخە،،
پشویە ک نادەی؟،،،
تۆزیک خەمی پەرتبوونت…
لە دڵت دەرکەی،،
کەمیک چاوەڕێکەیت،..
بایەک دەگاتە ئێرە،،
جێ پێی ڕۆژە تەنیاکانت دەسڕێتەوە،،
بەڵام تۆ ئەوەندە لاسار و یاخیت،،
شوینە کان بونەتە کۆیلەی جێ پیکانت،،،
ئە ی کە سرک و بی ئۆقرەی تۆ،،
گەریدەی بی شوناس و ناونیشان،،
ئە ستیرە مەستەکانیش…
بە روخساریی نورانیت سەمەرەن
………..
ئێمە ئەو مرۆڤانەین….
وەک گەلاکان ئە وەرین،،،
وەک کاژێرەکان …
لە هیج شونێکی تر نانوسرێینەوە،،
بە سروتی ئازار نوسیت، ناوی..
ئەم ڕوبارەی وشەکانی تیا تەواو ئەبێ،،
من تۆ نادوێنم، تۆش وەک گەڵایەکی بابردوو…
تێپەڕ ئەبی،،،
بە بێ وورتە، دڵ وەرینێکمانە،،،
ڕۆحپژانێک، بوون بە سەرابێک…
لە ژێر فانوسێ لە شەوی بێهودەیی
………..
من دوێنێ لەشاری لمەوە گەڕامەوە،،
نمە بارینی تۆ نەبوایە…
یەک ڕۆژیش چیە نەئەبوومە ئۆرکسترای شارێک،،
وەک خەو دێت و ئەچێ، وەک بەلەم ،،
ڕێئەکا بۆ هەورێ شەرابی،،
تۆش پێکێ لەسەفەریت،
شمشاڵی ئەرخەوانی بیابانی منیت،،
جێگایەکت لە خەیاڵی سپی مندا داگیرکردوە، ساتەکانم بۆت ..
پەڕەسێلکەن لە تەم، چەمێکە نوسینەکانم،،
گیا و قەزەی سەوزی بەهارێکن…
لە ڕەنگاڵە، وەک ڕوخسارم..
چیمەنی شەوم سەوزە، بیرم بێ..
هەردوکمان مەستتر ئە بوین..
بەو ڕۆژە خاکیانەی، جوتیارەکانی…
ژێر مانگێکی قەشەنگ،،
شەن و کەوی نیشتمانی …
بە داسێک لە ئاوو….
فرمێسکی نەورەسەکان، ئەکردە هۆنراوەی….
ئاڵتونی، و بەردی کاتیش….
وەک پیانۆ تا بەیانی نۆتای مێرگێک بوو،،،
لە فیردەوسەوە کانیە مرواریەکانی چوبوەسەر،،،
………
هەر کە هەموان شار و درەخت و…
دەریاو کەشتیان لە پریاسکە نا،،،
بوومە پەرتوکێک لە ڕابردووی ڕەشەبای شار..
ئەسپی ڕەشی کوێستانێکم لە ئاگرو هەنگوین تاودا،
پشکۆکانی خەفەتی ژنە کۆستکەوتوەکانی جەنگم کردە…
مروای ملی وشەکان،،،
تارمایەک لە گەڵا بوو ئەو،،،
ئاورینگی چاوەکانیشی جێ پێی هەڵگرترم….
بەڵام کە سیمرخی شاریان زامدار کرد،،،
هەورەکان بێ چوون و هاتنی من…
گوڵ و بارانی باخچە سەربڕاوەکانی …
بە بێ من کێڵا، تازە چیتر …
ئەوانەی لە خەوا تاوسەکانیان لێ برا، ،،
چی پێویستیان بە گوڵ و بە بارانە،،
نوسینەوەی ڕوباریش بێ هەور زامە،،،
زۆریش چاوەڕێ کردنی گەڕانەوەی سیمرخی شار..
بێهوودەبوو، ئەوەتا لەسێبەری ….
حەزی بینینەوەی دەروازەی شارا،،،
دارستانەکان بوونەتە چۆڕێ زام،
ڕوخسارەکان بێشار و بێ سیمرخ ، وەک کڵاوێکن…
لە دەستی بادا، وەک پرچێکی هەوری ناسکن،،
لە دەستی گڕکانی خۆرێک، تەنیاییە بێ شار،،،
چرۆیەکە لە نامۆیی، وونبوونی سیمرخە،،،
……..
لە تەپ و تۆزی گەیشتنی مەلی ڕەشی جەنگەکان …
کەسمان سیمای یەکتر ناناسینەوە،،،
ئەم جارەش گفتت ئەدەمێ ، ئەسپی کات …
تاودەم ، تا ڕەهێڵە بە منداڵیەوە بهێنمەوە…
پێت ووتم بۆشویەک نادەی…
خۆ سەربازەکان تەنها پارچەیەک لە ڕۆحیان بردوە،
هێشتا سیمرخی نیشتمانمان ماوە،،،
من ووتم تازە پێکانم باڵی سرکن،،،
تواناشم بەسەریانا نەماوە،،
چۆن پشوو دەم،،،
ئەم هەموو فریشتە باڵشکاوانە….
گیانەڵەیانە،،
لیرە خوێنی بیروەری هاوڕێ وونەکانیش…
بە دڵی داری سوتماکمەوەیە،،،
جێ فرمێسکەکانی دایکە بەستەڵەکبوەکانیش،
بەردەکانی بینینەوەی ئێمەیان توانوەتەوە…
چۆن ببمەوە بە ئاو، کە لمم ئێستا..
چۆن ببمەوە بە کانیەک لە وشە و گیا
بە سنەوبەرێک،
لە مێرگی کاتە وەریوەکانا،،،
کاتێک سیمرخی نیشتمانیان ،،
لە خوێنی پەمەییا گەوزاندوە.

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish