Skip to Content

پەرستار.. سەلام عومەر

پەرستار.. سەلام عومەر

Closed
by June 17, 2021 General, Poems

پەرستارێک
لەجیات فاکسین
خوێنی فریشتەی تێکردم
ژیانی دامێ
بەدزی مردنی لێبردم.
٭ ٭ ٭
فریشتەیەک
فایرۆسەکان باش دەناسێ
بۆیە هەمیشە کراسی ژیان
بەتەنافەکەی منەوە
هەڵدەواسێ.
٭ ٭ ٭
تاعون دێو بوو مرۆی دەخوارد
کۆرۆنا مردنی دەژمارد
کاتی من هات
فریشتەیەک لەودیو پردی ژیانەوە
وەک خۆر هەڵهات.
٭ ٭ ٭
پەرستارێک
نا….ببوورن فریشتەیەکی بێلانە
لەخوێنمدا دێت و دەچێ و
دڵمی کردۆتە هێلانە.

Previous
Next