توندتر گرێدانی ئێستا بە هەزار و پێنج سەت ساڵی بەر لە ئێستا.. کەنعان مەدحەت
Closed
کێڵە بەر خاکەناز کەوتووەکانی گۆڕستانان
زگەخشێی رووەو مزگەوتیانە
بەسەر مەنبەر و
گومەز و
منارەدا هەڵدەکوتن
وشەی کفر و گوناح..
وەک دڕکی دارەگوڵەباخ
لە نوسراوە پیرۆزەکان دەقرتێنن و
لە زبڵ و دەمی ئاودەستیان دەکەن
کێڵ ،
بە بەرد و
ژین ، بە مەرگ !
دنیای هەنوکەش بەوەی تەخمینکرا و دەگۆڕن
مردووەکان ،
لە زیندوو نیگەرانتر
تەنانەت خودی سەلەفیەکان بە خۆشیان
ئەوانەی خۆیانیان
لەمانەی مە پێ جیا ناکرێتەوە .
کەوتوومەتە شک لە خۆم و
خوام و
کاریگەرییەکانی ئیمان ..
لە کۆژمارەی مزگەوت و کەلێسا
لە گۆڕینی کەشکوڵ
بە کارتی ئەلیکترۆنی موفتی و مەلا
لە بەرامبەری نانەڕەق و
ترخێنە و
کەشک ..
موچە و
سەیارەی درع !
ئەی بە سعودی و ئیماراتییە بەخێوکراوەکان
گەر یادی مردووەکان
حەزی سەردانیکردنیان قانداین
چۆنیان لێک جیا و
فرمێسک ڕێژی کامی خۆمانیان کەین !!؟؟؟