لێزمە تەمەنێ.. شیعر/ کاوە عوسمان عومەر
نوسینەوەی لێزمە تەمەنێ،،
لەسەر لەپی پەنجەرەی با،
مەرگ هێواش هەڵزەنیە،،
پلیکانەی ساتەوەختێ…
چاوە داگیرساوەکانی بێ لانەکان…
لە سندوقی خەمی شەوا،،
خۆڵ و خاشاکی ووشەکانیش،،
پێش ڕۆشتنێ،،
بای بێهودەیی کۆی کردنەوە،،
گەرچی ترێ ڕەشەکانی…
سەفەر تفتو تاڵبوون،،
ئاجاری گیا ڕەشەکانی ئازاریش،،
لە کۆتایی یاریە هیچەکانی مرۆڤا..
بەدەستە بەردەکانەوە وەرین،….
شانەی دەستی بروسکەی زەمەن،،..
بۆ نێو زوڵفی سپی دارستانێ….
لە ڕەهێڵەی بوونا ووشک،،
داخن، ئاسنە گڕینەکانی…
زیندانی قەشەنگی دۆزەخی عیشق!
ئاژینە گریان لە پێڵوی…
پەمەیی هەورا،
پێش هاتنی شنەی بێ مانایی!
خانمی سپی مەرگیش،،،
کەڵەکی ڕۆحە بەستوەکانی سەوڵ لێداو،
مەلە ڕەشەکانی ساڵانێ،،
داخزانە دامێنی چیای سپی ئێستا.
………………………………………………………………..
وێنەکە تابلۆیەکی نیگارکێشی فنلەندی
Hugo Simberg / By The River Of Life
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
