پێناسێکی کورت.. نەوزاد بەندی
ئەوەی بە چەک و تاقم تفەنگەوە وێنەی خۆی بڵاوکردەوە ، داوای حەقدەستی خەباتەکەی لە خەڵکەکە ئەکات .
هیچ شۆڕشگێڕێکی ڕاستەقینە بە چەک و تەقەمەنییەوە وێنەی خۆی بڵاو نەکردۆتەوە ، بۆ نمونە غاندی و ماندێلا و چیڤارا ، لەگەڵ ئەوەی زۆربەی ژیانیان لە ئازار و زینداندا بەسەر بردووە و تەنانەت تیایاندایە گیانی خۆیشی لەو ڕێیەدا بەختکردووە ، هیچیان بە چەک و تەقەمەنییەوە وێنەی خۆیان پەخش نەکردووە ..
ئەوان خۆیان لە بازرگانییان بە چەک و خوێن و داهاتی گەل و خاکەکەیان بە دوور گرتووە ، هەر بۆیە بوونەتە سیمبوڵ بۆ نەتەوەکانیان و ..سەرجەم مرۆڤایەتیی شانازییان پێوە دەکات ..
بە پێچەوانەیشەوە ، ئەوانەی بازرگانی بە وێنەی چەکدارییەوە ئەکەن و هەزار جار مێژووی خۆیان کاوێژ ئەکەنەوە ، دەرگاکانی مێژووی شۆڕشگێڕیی بە ڕوویاندا ناکرێنەوە و ..ئەبنە بارێکی قورس بەسەر خاک و نەتەوەکانیانەوە ..برسێتی و نەزانی و دووبەرەکی و شەڕی ناوخۆ و هەزار و یەک کێشەی دوور و نزیک بەناو خەڵکەکانیاندا بڵاو ئەکەنەوە …
دواجار ، شۆڕشگێڕی ڕاستەقینە بە نەمریی ئەمێنێتەوە و .. بازرگانەکانی شۆڕشیش ئیفلاس ئەکەن و وەک کابوسێک لە پەڕاوێزی یادگاری و هەواڵەکاندا ، ترس بڵاو ئەکەنەوە .
