Skip to Content

بەفرێک لە کاتی زیادکراوا.. شیعری: نەوزاد بەندی

بەفرێک لە کاتی زیادکراوا.. شیعری: نەوزاد بەندی

Closed
by September 25, 2021 General, Poems

ڕۆژێک بەفر ئەبارێ و .
من لەوێ نیم ..
بە تولەڕێیەکی پیریدا ،
خەریکی بێنە و بەردەی سەعاتێکم ،
کە ئەیەوێ بمباتەوە و
کە ئەمەوێ بیدۆڕێنم ..
شەقامەکان گرژ ئەبن و
خۆڵەکان ئەچنەوە یەک و
خرمەی پێی ئەو مناڵانە دێ ،
ڕائەکەن هەتا مژدەی ئەوە بدەن بە دایکیان کە بەفر مەکتەبی داخست ..
بەفر ئەبارێ و ..فریا ناکەوم
خوێچەشی بکەم ، بزانم ،
ڕێژەی فرمێسکی چەندێکە و ..
چەند گرام مناڵیی تێکراوە ..
فریا ناکەوم فەحسێکی شەکرەی بۆ بکەم
بزانم هەر لە شەقام بەجێی بێڵم یان بیبەم بۆ خەستەخانە ..
پیریی قۆڵم با ئەدات و
ئەڵێ با تا ئەوسەر بڕۆین ..
ڕێگام نادا سەرتاکەی بە ڕیش و قژمەوە ،
بێ بە ئاو و .. بێتە خوارێ ..
ناهێڵێ تەزین دانیشێ و
چایەکم لەگەڵا بخوا ..
قۆڵم با ئەدات و
ئەڵێ با تا ئەوسەر بڕۆین ……. هتد …

Previous
Next