Skip to Content

شەترەنج.. شيعر: روزبە بمانی.. وەرگێڕانی: پشکۆ ناکام

شەترەنج.. شيعر: روزبە بمانی.. وەرگێڕانی: پشکۆ ناکام

Closed
by October 11, 2021 General, Poems

ئاواز : داریوش

“””””””””

دوای نمایشەکە ، سەیرم کە

وەک شەترنجی زەمانە

هەر کەس وەک ” داش”ێ

لەم یارییەیا ئەمێنێ

یەکێ وەک ئێمە پیادەیە

یەکێ سەدساڵ سوارەیە

نەفەرێ خوێن ئەدۆشێ

یەکێ خاوەنی دوو قەڵا

لایەک هەموو ڕەش

لەیەک هەموو سپین

ڕوو بە ڕووی یەکتر

تەمەنی ئێمەیان هەیە

بۆ یاری کردن

لە سەرەتای یارییەوە

لە ماڵی تۆ و من

لەبەر دەم ئەسپی دوژمن

ئەو هەموو سەربازە ڕائەگرن

ببینە ، یاری ئەمڕۆ

لە نێوانی” شا ” و وەزیر

ئێستا بێ جوڵە

لە پشتمانەوە سەنگەر ئەگرن

تاج و تەختی “شا”ی دوێنێ

لە قەڵاکەیا ، نامێنن

بە خەیاڵیان ئەم تاجە

بۆ هەمیشە وا لە سەریان

لە بیریا چووە ئەو” شا” یەی

بەسەد ” داش ” نەیدۆڕان

تاجی سەری بەدەستی

لەشکری ” پیادە ” فڕێ دا

ئەوەی یارییەکە بە ئێمە ئەیا

ئەوەیە کە ” داش ” لێئەکاتەوە

ئەوەیە نە شا ، نە سەرباز

نە سپی ، نە ڕەشە

دوای نمایشەکە سەیرم کە

Previous
Next