Skip to Content

بۆ ئیدریس کەریم لە دادگا چاومان بە یەکتر دەکەوێتەوە.. ستیڤان شەمزینی

بۆ ئیدریس کەریم لە دادگا چاومان بە یەکتر دەکەوێتەوە.. ستیڤان شەمزینی

Closed
by December 5, 2021 General

پاش ئەوی وەڵامی ئیدریس کەریمم دابووەوە لەسەر دزینی ناونیشان و تاڵانکردنی خەیاڵ و رووتکردنەوەی ئەندێشەی شیعریم لەلایەن کاوە عوسمانەوە ئەو پرسە دەبەمە دادگا لەبەرئەوەی:
یەکەم: بە بەڵگەوە لە بەرسڤی پێشوودا سەلماندم، لانیکەم لە نێوان دەقەکانی من و کاوەدا سێ ساڵ ماوە هەیە، بەوەی دەقەکانی من بە سێ ساڵ پێشتر نووسراون و لە کتێبێکدا بەناوی “وەرزە سەوزەکانی ئەوین” لە ساڵی 2018دا چاپ بوون، ئەگەر دزییەک لە ئارادا بێت ئەوە کاوە لە منی کردووە نەک بە پێچەوانەوە.
دووەم: بۆ شاردنەوەی دزییەکەی کاوە و تاڵانکردنی بیرۆکە شیعرييەکانم ئیدریس ناوێک “کە تائێستا ناوی لە کولەکەی تەڕیشدا نەبووە” هەستاوە بە نووسینی وتارێکی پڕ کینە و شکاندن لە دژی من.
سێیەم: لە وتارەکەی ئیدریس دا “ئەگەر کاوە خۆی نەبێت بێ شک دەزانێت کێیە” ناوبانگی تایبەتی من زڕێنراوە کە چارەگە سەدەیەکە سەرقاڵی کاری نووسین و رۆژنامەوانی و ئەدەبیم، کە لەو ماوە درێژەشدا بەسەر زیاتر لە یەک رشتەی رۆشنبیرییدا کراومەتەوە، دە ساڵ سەرنووسەری گۆڤار و رۆژنامە بووم، هاوکات خاوەنی 21 کتێبی چاپکراوم لە بوارەکانی کولتوور و سیاسەت و فیکر و شیعردا.
چوارەم: دادگا “کە بێگومان لە ئەوروپا دەبێت” باشترین بژاردەیە، من بەدەر لە کاری نووسین، یاساناسیشم. دەمەوێت هەموو کارەکان بە شێوەیەکی یاسایی مەجرای خۆیان وەربگرن، ئەنجامی دادگاش هەرچۆنێک بێت جارێکی تر من لە سایت و رۆژنامەکاندا بڵاوی دەکەمەوە.
پێنجەم: نەریتێکی نوێ دادەهێنم تا لەم پاشەگەردانی و بازاڕی عوکازەدا، ئەدیبی ساختە و ئەدیبی راستەقینە روون ببێتەوە کێیە؟. هەروەها ئەمە دەبێتە فاکتۆرێکی ترسیش “هەڵبەتە ترسی یاسایی” کە هیچ کەسی تر بە تۆمەتی بێ بناغە و ناراست نووسەرێک یان هاووڵاتییەکی ئاسایی تاوانبار نەکات.
شەشەم: من سکرینی نووسینەکانی ئیدریس ناوەکەم کردووە، هەروەها ئەم نووسینەی خۆم و وەڵامەکەی پێشووشم، رادەستی پۆلیسی دەکەم تا ئەو بابایە “ئیدریس” فێر نەبێت لە خۆیەوە قەڵەم بخاتە سەر کاغەز و هێرشی نەیارانە و شکێنەرانە بکاتە سەر کەسێک یەک چارەگە سەدە مێژوو و باکگراوەندی کاری رۆشنبیریی و ئەدەبی و رۆژنامەوانی هەیە.
باقی وەلسەلام

ستیڤان شەمزینی
4-12-2021

Previous
Next