Skip to Content

دڕک… شيعر: مسعود هوشمند… وەرگێڕانی :پشکۆ نكام

دڕک… شيعر: مسعود هوشمند… وەرگێڕانی :پشکۆ نكام

Closed
by ئازار 21, 2022 General, Poems

” خار”

ئەی خودا
من کارم بەکەس نیە
بەڵام زامداریی دەستی هەمووان
بووە بە کارم
لە نەناسیاو و لە ئاشن
پاشقول گرتن و مەرگ
بووە بە کارم

خۆزگە ووشیاری بە نسیبم نەبوایە
مایەی ڕەنج و خەڵەتاننم نەبوایە
ئاخر ووشیاری غەمێکی گەورەیە
خۆزگە ووشیاری بە نسیبم نەبوایە
لەو بەرزاییە دانیشتووی ئە خودا

بزانە لە چ ئازارێکایە دونیا
پێ ئەخەمە هەر کوێ یەک
هەر کوێ یەک ئەڕۆم
لە پێش چاووم ئەبینم
ئابڵۆقە دراووم

ئەی خودا

من ئاگاداری هیچ نیم
بۆچی هەموو گوڵێک
ئەبێ بە دڕک لە پێش چاووم ..!!
ووردە ووردە
هەست بە مەرگ ئەکەم
وێنەی زەردەخەنە
مردوە لەسەر لێوم
خۆزگە ووشیاری بە نسیبم نەبوایە
مایەی ڕەنج و خەڵەتاننم نەبوایە
ئاخر ووشیاری غەمێکی گەورەیە
خۆزگە ووشیاری بە نسیبم نەبوایە

ئەی خودا
هەر کەسێکم پێ ئەگا
لە پێش قاچم
چاڵی دووڕوویی لێ ئەیا
خۆزگە ووشیاری بە نسیبم نەبوایە
مایەی ڕەنج و خەڵەتاننم نەبوایە
ئاخر ووشیاری غەمێکی گەورەیە
خۆزگە ووشیاری بە نسیبم نەبوایە

Previous
Next
Kurdish