نامەیەک بۆ نیشتمان… شیعر: ایرج جنتی عطایی/ بە کوردی کردن: پشکۆ ناکام
یاران……
بە بێ دەنگ دامەنیشن
ووڵات، لە سێبەری سێدارەیایە
بە بێ دەنگ دامەنیشن
لەبەر تەوری دڕەندەکانایە
بە بێ دەنگ دامەنیشن، یاران
بە بێ دەنگ دامەنیشن
لە ووڵاتی ئێمەیا
وەڵام فیشەکی گڕاوییە
گەر لە دادپەروەری بپرسی
هەر ڕێگەیەکی تر داخراوە
جگە لە ڕێی ڕەزالەتی
بێ دەنگ دامەنیشن یاران
ئێران لە سێبەری سێدارەیایە
بڕوانە ، ووڵات غەرقی غەم و نەهامەتی
ئاخ نیشتمان..ئاخ نیشتمان..ئاخ نیشتمان
لە غەما چیمەن بەستوویەتی
ئاخ نیشتمان..ئاخ نیشتمان..ئاخ نیشتمان
لەبەردەم تابوت و کفنا
لەسەر خۆ هەستنە سەر پێ
ئەی غەرقی
هەزاران دەردی بێ دەوا نیشتمان
ئەی نێچیری
گورگی موبتەلای ئەجەل..نیشتمان
قوربانیەکانت هەموو بە بەرگی
خوێناوی…نیشتمان
ئازیز نیشتمان
غەریب نیشتمان
بێ ناز نیشتمان
دایە ببینە
بوکی نیشتمان بێ” جیازی” بووە
دایە ببینە
دەستی بێگانە درێژ بووە
هەر لەتێکی
بە نسیبی پڵنگ و بەراز بووە
ئازیز نیشتمان
غەریب نیشتمان
بێ ناز نیشتمان
بێکەس نیشتمان
لە هیچ کەسا هیممەت و باوەڕ و
خۆ ڕاگری نیە
ژیانی ئێمە گیان هەڵکێشانە
ژیان نیە
لە هیچ لایەکەوە ڕێی هەڵاتن و
رزگار بوون نیە
ئەی خاکی تۆ، گەوهەر و
یاقووت و ئاڵتون، نیشتمان
” سلێمانی”ییەکان هەموو گرفتاری موسیبەتن
“هەولێر”ییەکان
ڕووخاوی دەستی ترسن
“گەرمیان”ییەکان، دووچاری میحنەتن
بۆ هەر ژن و پیاوێک
میحنەت سەرایە نیشتمان
ئازیز نیشتمان
غەریب نیشتمان
بێ ناز نیشتمان
ئەو دووپشکەی کەوتە نیشتمان
ئامادەیە
ئەو خائین و جەللاد و ستەمگەرانە
ئامادەن
ئەو مۆر و تۆمار و بەڵگانە
ئامادەن
ئەوەی نەکراوە ئەو زۆردارانە
بەرامبەرت کردیان
ئازیز نیشتمان
غەریب نیشتمان
بێ ناز نیشتمان
———————————
” نامە بە وطن”
شیعر : ایرج جنتی عطایی
بە کوردی کردن: پشکۆ ناکام
