Skip to Content

زمانی كوردی و خۆپیشاندان …   ئاری زێندینی

زمانی كوردی و خۆپیشاندان … ئاری زێندینی

Closed
by ئازار 16, 2017 General

باس باسی خۆپیشاندان وناڕه‌زایه‌ هه‌مووشی بێ‌ ئه‌نجام وبێ‌ به‌رهه‌م بێ‌ سوود , خۆپیشاندان و دواتر بۆ ماڵه‌وه‌,ئه‌مه‌ كاری خۆپیشانده‌رانه‌ به‌ڵام ئه‌ركی خۆپیشانده‌ر ئه‌مه‌ نیه‌!دوا خۆپیشاندان ده‌رباره‌ی ناڕه‌زایی و هه‌ڵویست دژی بڕیاڕێكی وه‌زاره‌تی خوێندنی باڵا سه‌باره‌ت به‌ هه‌ژمارنه‌كردنی نمره‌ی قوتابیان له‌وانه‌كانی (زمانی كوردی) بۆكۆلیژوزانكۆكانی كوردستان كه‌چه‌ندین كه‌سایه‌تی و پسپۆرو زمانزان ومامۆستایی زانكۆوقوتابخانه‌كان به‌شداربوون ئه‌نجامه‌كه‌ی هیچی لێ‌ شین وسه‌وزوزه‌ردوقاه‌یی ومۆروسۆرنابێ‌!هه‌روه‌ك خۆپیشاتدانی له‌ سلێمانی بۆ(مووچه‌)!خۆپیشانده‌ران هاتنه‌ سه‌رجاده‌وكاری خۆیان كردوبه‌ڵام ئه‌ركی خۆیان جێبه‌جێنه‌كرد!ئه‌رك واته‌ شتێكی لێ‌ شین وسه‌وز بێت.خزمه‌تكردنی زمان و كه‌لتوورو فه‌رهه‌نگ به‌ خۆپیشاندان و ناڕه‌زایی نابێت به‌ڵكو به‌ داهێنان وشاكاروكاری زانستی ده‌بێت, به‌وه‌ ده‌بێت زمانێكی (ستاندار- یه‌كگرتوو) بۆزمانی كوردی دانێن ودروستكه‌ین وپه‌یڕه‌وبكه‌ین!خزمه‌تكردنی زمانی دایك به‌وه‌ ده‌بێت ئه‌و وشه‌ ناماقوڵ ونه‌شیاوانه‌وبیانیانه‌ له‌سه‌ر شۆسته‌وبازاڕ و دوكان وماڕكێته‌كان نوسراوه‌و هه‌ڵواسراوه‌! خزمه‌تكردنی زمانی دایك به‌وه‌ ده‌بێت نه‌هێلین ئه‌و هه‌موو زاراوه‌و شێوه‌ زارو تێكه‌ڵ و پێكه‌ڵی له‌ زمانی كوردی ئێستا به‌كاردێت دڵسۆزانی زمان و پسپۆرانی زمان بێخه‌م و بێده‌نگن!خزمه‌تكردنی زمانی دایك به‌وه‌ ده‌كرێت كاتێك بنكه‌و ئه‌كادیمیایه‌ داده‌مه‌زرێت بۆ زمانی كوردی هه‌مووی پاڵپشتبن بۆ به‌رده‌وامی نه‌ك ساڵێك ودوو سێ‌ دابخرێت و بێ‌ به‌رهه‌م بێت !خزمه‌تكردنی زمانی دایك به‌وه‌ ده‌كرێت ئه‌و نامه‌ ماجستێرو دوكتۆرایه‌ی له‌سه‌ر زمانی كوردی چاپبكرێن و بخرێنه‌ به‌رده‌ستی خه‌ڵك و قوتابیانی كۆلیژه‌كان!به‌ڵێ‌ خزمه‌تكردنی (زمانی كوردی) به‌ وانه‌ی سه‌ره‌وه‌ ده‌كرێت كه‌باسمانكرد كه‌ ئه‌ركی سه‌ر شانی هه‌مووانه‌ نه‌ك ته‌نیا كاری هاتنه‌ سه‌ر شه‌قام و ناڕه‌زایی! له‌ هه‌موویان گرنگترو ئه‌ركترو خه‌ونتر (زمانی ستانداری كوردی) !كه‌ بتوانن كۆمه‌ڵگه‌و حیزب و حكومه‌ت قایل و ئیقناع بكه‌ن! ده‌بێت ڕۆشنبیرانی زمان و پسپۆرانی زمان ئه‌وه‌ بزانن كه‌ ده‌شزانن پێشكه‌وتنی میلله‌ت هه‌موو بواره‌كان هاوشانه‌ گه‌ر پیشه‌سازی و كشتوكاڵ و زانستت پێشنه‌كه‌وێ‌ زمانیش پێشناكه‌وێ‌! سێ‌ ڕۆژ (شووتی – شفتی) له‌ وڵاتی ئێران هاورده‌ نه‌كرێت (شووتی) له‌ كوردستان نامێنێت!لێره‌دا واته‌ خزمه‌تكردنی زمانی دایك ده‌بێت بیناسێنین به‌ جیهانی ده‌ره‌وه‌ ئه‌وه‌ش ئه‌رك وخزمه‌تكردنی زمانی كوردیه‌ نه‌ك (خۆپیشاندان)!

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next