Skip to Content

لەناو دڕکەکاندا.. نەوزاد بەندی

لەناو دڕکەکاندا.. نەوزاد بەندی

Closed
by تشرینی دووه‌م 22, 2022 General, Poems

شوشەیەکی زۆر شکان …
هیچیان چاک نەبوونەوە ..
دەریایەکی زۆر تێکەڵ
بە زێراب و قوڕاو بوون ..
هیچیان پاک نەبوونەوە ..

چرای دڵی زۆرینە ،
کوژایەوە و تاریک بوو ..
هیچ ڕوناک نەبوونەوە ..

ئەو سەری دنیا دەرکەوت ،
لەمسەری باشتر نەبوو ..
کەچی نازانم بۆچی ،
هیچیان لە عەشقی دینار ،
پەشیمان نەبوونەوە ..

ئاگر ڕۆحی سوتاندن ،
باران داوەتی کردن ،
قەپیان کرد به پشکۆدا و
ئاوەدان نەبوونەوە ..

تەنانەت کاتی گیاندان ،
لە گیان جیا ئەبوونەوە و
کەچی لە ماڵ و سامان ،
یەکبوون ، جیا نەبوونەوە ..

یەک دڵۆپەی تیا نەما ،
هێشتا هەر ڕاوەستابوون ،
هەڵهاتن دەری کردن ،
هەر ئاوا نەبوونەوە ..

گیاندار و ڕووەک
یەک یەک ..
لەو دۆخە بێزار بوون و
دنیایان ڕەتکردەوە ..
هەر مرۆڤ بوو .. هەر مرۆڤ ،
هیچ ئەشکەنجەیەک دنیای
لە دەستی نەکردەوە …

لەگەڵ هەزاران ئازار
وا لای دا لە هەشت ملیار

ــنەوزاد بەندی ــــــــــــــــــ

Previous
Next