حەصانە.. پشکۆ ناکام

سەرکردەی هەچ ووڵاتێک پەلاماری کاروانی بازرگانی لە دەریا یان لەسەر ئەرز بدات ئەوە بێ یەک و دوو کردن پێ ی ئەڵێن “چەتە/قرصان”، محمدی قوڕەیشی کاروانی بازرگانی قوڕەیش نەما بوو پەلاماری نەیا و تاڵانی نەکا ، کەس هیچی نەووت چونکە ئەو:
پێغەمەری خوا بوو…!!!

() هەر سەرکردە یان فەرمانڕەوایەک یەک لەسەر پێنجی داهاتی میللەتەکەی بەرێ بۆ خۆی ئەوا ئەو زاتە بە “دزی کردن” لە داهاتی گشتی تاوانبار ئەکرێ ، بەڵام محمدی قوڕەیشی بەناوی “یەک لە پێنج / خمس”ی خوا و پێغەمبەرەکەی ،یەک لەسەر پێنجی هەموو داهاتی قوڕەیشی بۆ خۆی لوش ئەدا و هیچی پئ نەووترا چونکە ئەو: پێغەمەری خوا بوو…!!!

() لە شەڕی دوو وڵات یان دوو لایەن ، سەرۆکی لایەنە سەرکەووتوەکە چی کچی شۆخ و شەنگی لایەنە دۆڕاوەکە بۆ “ڕابواردن” بۆ خۆی ببات ، ئەو سەرۆکە پێ ی ئەووترێ “شەهوانی” ، کەچی محمدی قوڕەیشی لە داگیر کردنی خێڵە جولەکەکا نا چی کچی دەگمەن وەک” سەفیە کچی حوەی”و “ریحانە کچی شمعون” هەیە بردنی بۆ خۆی و ناوی لێنان “دەستکەوتی جەنگ/ غنیمة”،
لەگەڵ ئەوەیشا کەس فزەی لێوە نەهات چونکە ئەو: پێغەمەری خوا بوو…!!!

() گەر سەرکردەیەک ووڵات و گەلەکەی دووچاری نەشەڕێ و نە دووان بکا ، بە کەسێکی “خوێن ڕێژ” ئەناسرێ ، محمدی قوڕەیشی لە تەنها هەشت ساڵا “27” جەنگ و (56) پەلاماری سەربازی بە جێ گەیانوە ، کەسیش هیچی نەووتوە چونکە ئەو:
پێغەمەری خوا بوو…!!!

() هێنانی کچێکی (9) نۆ ساڵان لەلایەن فەرمانڕەوایەکی پیرەوە بە “نەخۆشی سێکس” ناو ئەبرێ ، سەرەڕای ئەمە محمدی قوڕەیشی “عائشە”ی بە (6)شەش ساڵی بردە لای خۆی و كە بوو بە (9)ساڵ هێنای کە تەمەنی وەک باپیری وا بوو.! كەس ناڕەزا نەبوو چونکە ئەو: پێغەمەری خوا بوو…!!!

() کاتێ سەرکردەیەک یاسا یان فەرمانێک دەرئەکا نابێ خۆی لە سەروو ئەو یاسایەوە بێ ، کە وای کرد ئەبێ بە “دیکتاتۆر”، بەڵام محمدی قوڕەیشی کە یاسای ئیسلامی حەڵاڵ بوونی چوا ر ژنی بۆ پیاوەکانی بە دوایەوە بوون دەرکرد خۆی (11) ژنی “ئاشکرا”ی هەبوە ، هەمووش بێ دەنگ بوون ، چونکە ئەو : پێغەمەری خوا بوو…!!!

() یەکێ لە سیفەتەکانی “مافیا”ئەوەیە کە نەیارەکانی خۆی لەناو ببات و هەرکەسێ لێ ی جیابوە بە”خائین”ناوی ئەبات، کەچی محمدی قوڕەیشی فەرمانی کوشتنی بە هەموو ئەوانە دەرکرد کە بەجێیان هێشت و بە “مورتەد”ناوی بردن و ووتی: ( ئەو کەسەی دینەکەی بگوڕێ ئەبێ بکوژرێ)… و هەموو لێ ی بێ دەنگن ، چونکە ئەو: پێغەمەری خوا بوو…!!!

() هەر سەرکردەیەک پێکهاتە و کەمە نەتەواتییەکان لەناو بەرێ یان بە کۆچ کردن ناچاریان بکا ئەوە بە”تاوانباری جەنگ”ئەا ژمێرێ ، بەڵام ئەبینین محمدی قوڕەیشی “یهود بنی قوریة”ی قەتڵ و عام کرد و”یهود بنی نظیر”ی ناچار بە ڕاکردن و پاشان بە کۆچ کردن کرد ، بڕیاریشی دەرکرد : جگە لە ئیسلام نابێ یەک مەسیحی یان جولەکە لە جەزیرەی عەرەبیا بمێنێ ،، ئێستاشی لەسەر بێ کەس نوتقی نەکرد چونکە ئەو: پێغەمەری خوا بوو…!!!

() سەرکردەیەک بڵێ ئەو لەلایەن خواوە ڕاسپێدراوە هەرچی نەبێ بە ئیسلام ئەبێ بکوژرێ ، یان پەشیمان ببنەوە و شایەتمان بە تەنهایی خوا و گەورەیی خۆی وەک پێغەمەر بێنن ، ئەو کاتە بەر لێبوردن ئەکەون و لەناو ناچن.. بەو سەرکردەیە ئەووترێ” کەم ئەقڵ /شێت”، کەچی محمدی قوڕەیشی ئەوانەی کرد و شەڕی دونیای کرد و کەس باسی لێوە ناکا ، چونکە ئەو:
پێغەمەری خوا بوو…!!!

….. ئاخۆ بۆچی چاوپۆشی لەو هەموو تاوانانەی ئیسلام و پێغەمەرەکەی ئەکرێ ؟ تەنها لەبەر ئەوەی پاساوێکی ئایینی لە پشتەوەیە ؟ بۆ هەر ووڵاتێک و هەر لایەنێک بە جۆرێک باسی لێوە ئەکا ؟
ئایا ترسیان لە فرۆشتنی نەوتەکەیان هەیە..؟ ..تۆ بڵێ ی سازش لەسەر”مێژوو” بکرێ و کەی مێژوو خراوەتە تەرازووی پارە و توند و تیژی و باز بە سەردانا ..؟..گەر محمدی قوڕەیشی وەک پێغەمەرێک بۆی هەبووبێ ئەو هەموو کوشت و کوشتار و تاوانانە ئەنجام بات ، خۆ هیتلەر.. و.. ستالین.. و مۆسۆلینی.. و صدام..و..و.. لای بەشێک خەڵک بۆ ئەوان پێغەمەرێک بوون بۆ خۆیان ، کەواتە ئەوانە لە پێغەمەرە مەزنەکانی خوا و مێژوون و شەرعییەتێک هەیە لە تاوانەکانیانا ..!!
یان ئەبێ هەر هەموویان بە “محمد”یشەوە تاوانبار بکرێن ، وەک یەک سەیر بکرێن، بۆ ئەمە ئیسلام و محمد یش پارێزراو نین و ناخرێنە لیستی : “حەصانە” ەوە