Skip to Content

ئەنجومەنی یاسادانی کانتۆنی جزیرەی خۆبەڕێوبەری باکور و ڕۆژهەڵاتی سوریا یاسای خێزانی گەڵاڵەکرد

ئەنجومەنی یاسادانی کانتۆنی جزیرەی خۆبەڕێوبەری باکور و ڕۆژهەڵاتی سوریا یاسای خێزانی گەڵاڵەکرد

Closed
by شوبات 27, 2023 General, Opinion, Slider

یاسای خێزان کە لە ڕۆژی ٤ی شوباتدا لە لایەن ئەنجومەنەکەوە دەرکراوە، ئیمزای هاوسەرۆکانی ئەنجونی یاسادانان ئاریا مەلا ئەحمەد و حیکمەت ئەلحەبیبی لەسەرە ، لە ڕۆژی دەرچوونیشیەوە کاری پێدەکرێت. 

یاسای خێزان، یاسایەکە لە پێناوی هاوژیانێکی ئازاد و دیموکراتیانەدا گەڵاڵەکراوە لە ٤١ ماددە و بڕگەی جیاواز پێک دێت کە ژیانی خێزانیی، پرۆسەی هاوسەرگیری، جیابوونەوە و دیارکراوە. هەوڵ دراوە کە لە گەڵاڵەیاساکەدا یەکسانی ڕەگەزی نێوان ژن و پیاو ڕەچاو بکرێت، هەموو بڕگەکانی تایبەت بە ژیانی خێزانی، پێکەوەنان و پرۆسەی هەڵوەشانەوە و مافەکانی ژن و پیاو و منداڵ دیاری بکات.

سەرنج راکێشە لە یاساکەدا فرەژنی، ژن بە ژن، هاوسەرگیری ژێر تەمەنی ١٨ و هاوسەرگیری زۆرەملێی و چەندین دیاردەی تر وەک تاوان مامەڵەی لەگەڵ دەکرێت و دەزگای پەیوندیدار بۆ لێپێچێنەوە دەستنیشان کراوە لە یاساکەدا، نەک تەنیا ئەنجامدەرانی ئەو دیاردانە بەڵکو شایەتحاڵ و هاوبەشەکانیش سزا دەدرێن.

لە بڕگەی یاساکەدا ڕۆڵی ڕێکخراوەی ژنان و خانەی ژنان ئاماژەی پێکراوە و رۆڵیان پەراوێز نەکراوە لە ئاشتەوایی کۆمەڵایەتیدا.

تەواوی یاساکە وەک خێزان وەک دەزگایەکی کۆمەڵایەتی لەسەر بنەمای ئیرادەی ژن و پیاو و منداڵ، مامەڵە لەگەڵ هاوسەرگیری دەکات و نایبەستێتەوە بە هیچ دەزگا و بەهایەکی تری باوەڕ و  ئایدۆلۆژییەوە.

ئاکادیمیای ژنۆلۆژی، خانەی ژن ( ماڵا ژن) و کۆنگرەی ستار لە هەوڵی ئەوەدان کە گفتوگۆیەکی فراوان لەسەر ئەو یاسایە لە نێو کۆمەڵگەدا بکەنەوە و هەموو تاکێکی کۆمەڵگەی لێ وشیار بکەنەوە. لە ئاکادیمیاکان، بەڕێی دەزگاکانی پەروەردە لەسەر ئەرک و مافەکان و دەقی یاساکە ژن و پیاوان پەروەردە بکەن. تەنانەت ئاکادیمیای ژنۆلۆژی لەسەر دەقی یاساکە ڕایگەیاند کە ئەوە هەنگاوێکی سەرەتایە و لە داهاتوودا هەوڵ دەدەن کە کۆدەنگییەک لە نێو بزوتنەوە، ڕێکخراوەکانی ژنان و هەموو بەشەکانی کۆمەڵگەدا دروست بکەن بۆ ئەوەی یاساکە لەوەی هەیە زیاتر دیموکراتیزە بکەن و هەوڵی هەموارکردنەوەشی بدەن.

دەقی یاساکە لەم دوو لینکەدا بە عەرەبی و کوردی…..

دەقی یاساکە بە زمانی کوردی…

نص القانون باللغة العربية..

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish