تاریکەڵان.. نەوزاد بەندی
لەمسەری هەتا ئەوسەری ، تف لە کورد بێ، چاکی نییە ..
لە زوڵم و سەرشۆڕیی و دزی و خۆخۆریا باکی نییە ..
میللەت نین ، کۆمەڵێ نەفسی نزم و خۆپەرست و کۆیلە ..
لە ملی یەکشکاندنا ، بێ وێنەیه ، تاکی نییە ..
خەریکی حەرامخۆرین و گیرفانی یەکتری ئەبڕن ..
دواڕۆژی دز ، ڕیسوا بوونە ، بۆیە ئاڵا و خاکی نییە ..
هەتا تێگەیشتوو و زانا بێ ، زەبرەکانی توندتر ئەبن ،
فرزەندی ماڵی حەرامە ، دایک و باوک و کاکی نییە ..
بەدەست ئەو بێ هەوایش ئەبڕێ لە خزم و هاوڕێ و یارانی ..
عەقڵی کورد چۆڵ و تاریکە ، یەک تیشکیش ڕوناکی نییە..
گەر پیاوێکیان تیا هەڵکەوێ ، ئەوەندە بەردی تێ ئەگرن ..
مەردایەتی تیا ناهێڵن ، ئێ کەچەڵ دەلاکی نییە ..
ئەوەی بیەوێ قوتاربێ لە ناو ئەو مار ومێرووە ،
لەو ڕێیە ڕۆحیشی دەرچێ ، زەرەر و هیلاکیی نییە ..
کەس پاکانە بۆ خۆی نەکا ، خۆی ئاو دیو نەکا لەم وەسفە ..
سەرلەبەری بەو جۆرەیە ، دوور لەڕوو ، حاشاکی نییە ..
ـــنەوزاد بەندی ــــــــــــــــ
