لەو دیو دیواری ڤیستڤاڵێکەوە.. شیعری نەوزاد بەندی
Closed
زۆر جار ئەڵێم ،
شیعر لەگەڵ کلێنکسێکا
فڕێدەم ..
بیخەمە تەنەکەی خۆڵێکی
پشتگوێخراو …
لەسەر بەردێ داینێم و
بە مناڵانی گەڕەک بڵێم ،
ئادەی کامتان دەستان ڕاستە ..
ئەو نیشانەیە ئەشکێنن ..
وەک لاپەڕەیەکی ڕیکلام ،
بیکەم به دەسکی دەرگایەکەوە و نەزانم چەند جار پێی پیادا نراوە ..
ئەڵێم نیشتمان و شیعر ،
کامیان زیاتر لەوەی تر هەڕاج کراوە ..؟
ـــن .بەندی ــ
