بۆ جاری دووەم کۆمەڵەی شیعرێکی ستیڤان شەمزینی بە زمانی ئەڵمانی و سربی بڵاو دەکرێنەوە
Closed
ئەنتۆلۆگیای شیعری (ئەستێرەیەک لە گەردووندا) کە ساڵی ٢٠٢٣ لە بەرگێکی قەشەنگ و بە تیراژێکی زۆر و بە لە توێی ٥١٨ لاپەڕەدا بڵاوکرایەوە، بەشێکی زۆری بەرھەم و دەقە شیعرییەکانی شاعیر و نووسەری تاراوگەنشین (ستیڤان شەمزینی) بۆ سەر ھەردوو زمانی ئەڵمانی و سربی لە یەک کاتدا تێدا وەرگێڕدرابوو، لەگەڵ کورتەیەک لە ژیاننامەی نووسەری ناوبراو. دەقەکانیش لەلایەن رۆماننووس و چیرۆکنووس ئەنوەر محەمەد (ئەنوەر ئەڵمان)ەوە بۆ سەر زمانی ئەڵمانی وەرگێڕدرابوون، ھاوکات خانمە نووسەر (دراگیسا شرۆدەر) دەقەکانی بۆ سەر زمانی سربی وەرگێڕدرابوو. لە ئێستاشدا ھەردوو وەرگێڕ لە ئامادەکاریی و وەرگێڕانی چەپکێکی تری شیعر و ئەفۆریزمەکانی (ستیڤان شەمزینی)دان، بۆ پایزی ٢٠٢٤ تاوەکو لە توێی ئەنتۆلۆگییەکی نوێتردا لە سەرتاسەری ئەڵمانیادا چاپ و بڵاوبکرێتەوە.
