گوناهم چی بوو؟.. شاعیر گمنام.. وەرگێڕانی لە فارسییەوە شەهلا نوری
گوناهم چی بوو، وا شەیدای نیگای خومارت بووم
وا وێڵ و وێران، مات و حەیرانی ڕێگات بووم
گوناهم چی بوو لە فەنای بێدەنگی و تەنیایی
زاهیدی گۆشەی میحرابی لێوانت بووم
ئاخر ئەی ئەستێرەی گەشی داوێنی ئاسمان
گوناهم چی بوو کە نێوزڕانی زەمانت بووم
هاتی و بێپەروا لەسەر گڵێمی
دڵم نیشتی
منیش بە نازی ڕووی شەنگت فیدای دڵی نازت بووم
ئەی ئەوەی بە جۆش و تینی جوانی خۆتەوە مەستی،
پیاڵەیەک بنۆشە ساقی مەستی شەڕابت بووم
هاتی و تاوێ نیشتی، وەکوو تۆفان ڕۆیشتی
هیچ تەماشات نەکرد کە هێندە نیگەرانت بووم
ڕۆیشتی و بێئاگا بووی لە دڵی شێت و زارم
نەتڕوانی چەندە کز و پەشێو و پەرێشانت بووم
ئەی کە لە حاڵی دڵی شەیدا ئاوا بێخەبەری
بە خەبەر بە، منی پەرێشان، هەر چاو لە ڕێگات بووم
وەرگێڕانی لە فارسییەوە شەهلا نوری
شاعیر گمنام
غەزەل گوناهم چی بوو
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
