لێوار…. دڵشاد تاقانە
Closed
لەلێواری مەرگمدا
دیسان
وا گەڕامەوە
بڕیاری چوونم دابوو
کەچی
لێم سەندرایەوە
چاوم بڕیەوە ژیان
بەکۆڵی سەرشانی خۆم
پڕ لەخەمە و
گرانی زۆر
ئاسۆم
لێڵە تار و بۆر
نابینم
لێی ڕونایی
لەهەورازی تەنیایی
ناچارم تەواوی کەم
تا ئەوپەڕ دڵنیایی
جگەرگۆشەم
چرایە
بۆ چاوم نابینایە
دەستم وا ڕادەکێشێ
جەستە و گیانم
بەو ژیانە
گەلەک ئازار دەکێشێ
هەنگاوم وردە و
بێ هێز
بێ دەسبار و هاوەڵ ڕێ
لەبەر خاتری وان نەبێ
نامەوێ ئەم دنیایە
ڕۆحی خۆم لێ بەڵایە
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
