نەورۆزانە … دڵشاد تاقانە
Closed
من و عەفرین
ئەمساڵەکە
گڕی نەورۆز دەکەینەوە
ئەو بەجەستە
من بەڕۆحم
تاهەتایە ناکوژێینەوە
،،،
گەمژەکانی وادەزانن
بەسوتانێ
لەناودەچین!
ئێمە گڕی ژیلەمۆینە
دوای خۆڵمێش
دەژیێنەوە
،،،
سەرا لە مێشکی پوچەڵتان
ئێمە خاوەنی
ئەو خاکەین
شار و گوند و تەلار
سەرلەنوێ
دروست دەکەینەوە
،،،
ئێستا ناخمان کڵپە دەدا
دەهەروایە
وامان کردووە
نەورۆز بەگڕ
پیرۆزدەکەینەوە
،،،
نەورۆزانە
هەردەسوتێین
خۆمان گوندمان
شارمان
قوربانیە و
گڕی پاکین
دەکرێینەوە
دڵشاد تاقانە
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
