ئستاش بۆم دەگریت …؟ … روخۆش موستەفا

ئێستاش وەک شەوانی زوو بیری ڕوخسارم دەکەیت
حەزدەکەیت لەجیاتی چرا بێم و لەبەرامبەرتدا بسوتێم
حەز دەکەیت پێچەوانەی شەمع بم و
بڵێم ووریابە باڵەکانت نەسوتێن
بیری پێکەنینەکانم دەکەیت ..؟؟
یان ئەوەی چیرۆکی ڕۆژگارم بۆت دەگێڕایەوە
باسی پاڵەوانەکانم دەکرد
پێم دەوتی ئەمڕۆ لەڕێگامدا بۆ ماڵەوە دەستم بەسەری چەند گوڵدا هێناوە …
ئێستاش بیرم دەکەیت ….؟؟
بیری ئەو ڕۆژانە دەکەیت هەڵیت وپەڵیتم دەووت
نەکا دەوورت چۆل بێت و بێ دەنگی دەوورت بتەنێ
هەربەڕاست بیرم دەکەیت ..؟
بیری ڕۆژانی زوو ..؟
بیری دەنگی پێڵاوەکانم کەدەهاتم بۆلای تۆ ..
بیری ئەوساتانەی دەرگای ماڵم دەکردەوە
ماندووبووم دەمویست بگەڕێمەوە …
بیری بۆنی دەستی دایکمم کردبوو …..
چاوە میهرەبانەکانی ڕۆژیان لێ تار کردووم …..

روخۆش موستەفا

Dengekan

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.