تۆ ئاوێنەت ناوێ … یوسف إبراهيم

رووەو چاوانی من نیگا بنوێنە
لە جێگای بێ روحێ
لەگەڵ روحی من
وەک شێتێ خۆت بدوێنە
هەر چی شیعری دڵگیرە
ئەو ئاوازت بۆ دەژەنێ
تۆش لە پێشیا بخوێنە
حەزئەکەی گۆرانیە
کۆنەکان بەگوێیدا بچرپێنە
هەرچی رابردوو و
یادگاری تاڵە
لەگەڵیا بسوتێنە
جارێ لە چاوانم
بۆ ئازیزانت خۆت برازێنیتەوە
بیرئەکەنەوە
و غیرە بەجوانیت ئەبەن
چۆن ئاوێنەکەی ناتوێتەوە
هەر جارێکیش
لە درەنگانی شەویش بێ
فرمێسکێ خۆی هەڵداتە چاوانت
دڵتەنگی خۆی بکاتە میوانت
دەستت دەگرێ و
دەبێتە هاوتای دڵی جوانت

یوسف إبراهيم

Dengekan

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.