Skip to Content

دووری  … چرۆ زه‌ند

دووری … چرۆ زه‌ند

Closed
by كانونی دووه‌م 20, 2019 General

ئەی چەند ستەمە دووریی، بۆچی زۆبەی خۆشەویستیەکان دوورن
مانگ و خۆر هەردوو لە ئاسمانێکدان، لە دووری یەك دەردەکەون
ئێمەش لە دوورەوە دەیان بینین
پێدەچێ دەریاو ئاسمان لە ئاسۆیەکی زۆر دووردا بەیەك بگەن،
هەردوو لە خۆشەویستی یەکدا یەك رەنگ دەگرن
چاو وەختە پێی هەڵدەخڵەتی، لە بری چاوم منیش وەختە دڵم هەڵخەڵەتی
دەمەوێ لەوان فێربم، لە دوورەوە خۆشەویستی بکەم
لە دوورەوە لە باوەشت کەم، لە دوورەوە هەواڵت بپرسم،
لە تورەی شەپۆلی دەریادا، گوێم لە دەنگتی تورەییتە
ئەو کاتی لە خەو ڕامام، یەکەم وشە لە گوێمدا چرپەتە
لە یادەوەری ژینمدا زۆرینەی وێنەکەتە
لەسەر زمانم هەموو ساتی ناوەکەتە
لە م هەموو دووریەدا،
تۆ لە دڵم نزیکتری.

چرۆ زه‌ند
zandchro@hotmail.com

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next