Skip to Content

1,178 Views

پرسی قه‌ده‌غه‌كردنی بورقا  ده‌بێته‌ پرسی دانیشتنه‌كانی په‌رله‌مانی چه‌ندین ولاًت له‌ ساڵی 2017 دا

پرسی قه‌ده‌غه‌كردنی بورقا ده‌بێته‌ پرسی دانیشتنه‌كانی په‌رله‌مانی چه‌ندین ولاًت له‌ ساڵی 2017 دا

Be First!
by December 24, 2016 General
image_print

مشتومڕی لایه‌نه‌ سیاسیه‌كانی به‌شێك له‌ ووڵاتانی جیهان له‌باره‌ی پرسی قه‌ده‌غه‌كردنی پۆشینی بورقا به‌رده‌وامه‌ و پێده‌چێت ساڵی داهاتوو ئه‌و پرسه‌ ببرێته‌ په‌رله‌مانی ئه‌و ووڵاتانه‌.
پۆڵین هانسن ، ئه‌ندامی په‌رله‌مانی ئوسترالیا كه‌له‌سه‌ر لیستی پارتی یه‌ك نه‌ته‌وه‌ی ئه‌و ووڵاته‌یه‌ و به‌لیستی ڕاستڕه‌وه‌كان ناوده‌برێت ، ده‌ڵێت له‌گه‌ڵ ده‌ستپێكردنه‌وه‌ی دانیشتنه‌كانی په‌رله‌مان له‌ ساڵی داهاتوودا فشاره‌كانی ده‌ستپێده‌كاته‌وه‌ به‌مه‌به‌ستی قه‌ده‌غه‌كردنی پۆشینی بورقا له‌و ووڵاته‌.
وته‌كانی ئه‌و ئه‌ندام په‌رله‌مانه‌ هاوكاته‌ له‌گه‌ڵ لێدوانه‌كانی ڕاوێژكاری ئه‌ڵمانیا ئه‌نگێلا مێركل له‌دواهه‌مین كۆنگره‌ی پارته‌كه‌یدا كه‌ تێدا ئاماژه‌ی بۆ ئه‌وه‌كرد كه‌ داپۆشینی ته‌واوی ڕوخسار یان ده‌موچاو شتێكی نه‌گونجاوه‌ له‌ ئه‌ڵمانیا بۆیه‌ پێویسته‌ داپۆشینی ته‌واوی ڕووخسار له‌هه‌رشوێنێكدا كه‌ پێویست بكات له‌ڕوی یاسایه‌وه‌ قه‌ده‌غه‌ بكرێت. به‌ڵام جیاواز له‌ ووته‌كانی ئه‌نگێلا مێركل ، سه‌رۆك وه‌زیرانی ئوسترالیا ڕایگه‌یاند ئوسترالیا له‌ ئه‌وروپا جیاوازه‌ و ڕایگه‌یاند ئه‌وه‌ی له‌ ئه‌وروپا ڕووده‌دات ده‌رئه‌نجامی لێشاوی كۆچی نایاسایه‌ بۆ ئه‌و كیشوه‌ره‌ و ئه‌وروپا كۆنتڕۆڵی به‌سه‌ر سنوره‌كانیدا نه‌ماوه‌ ، بۆیه‌ به‌ ووته‌ی سه‌رۆك وه‌زیرانی ئوسترالیا ئه‌وان پێویسته‌ به‌رده‌وام بن له‌ پاراستنی سنوره‌كانیان ، ئه‌مه‌ش وه‌ك ئاماژه‌یه‌ك بۆ سیاسه‌ته‌ تونده‌كانی ئه‌و ووڵاته‌ له‌به‌رامبه‌ر كۆچبه‌رانی ده‌ریایی قاچاخدا كه‌ به‌جۆرێكه‌ هه‌ر كه‌سێك بیه‌وێت به‌ قاچاخ و له‌ڕێگه‌ی به‌له‌مه‌وه‌ خۆی بگه‌یه‌نێته‌ ئه‌و ووڵاته‌ ده‌ستگیرده‌كرێت و ڕه‌وانه‌ی ئه‌و ووڵاته‌ ده‌كرێته‌وه‌ كه‌ به‌به‌له‌مه‌كه‌ لێوه‌ی هاتووه‌. دواجاریش ڕایگه‌یاند ووڵاتانی كۆمۆنوێڵس پشتگیری له‌ بیرۆكه‌ی قه‌ده‌غه‌كردنی بورقا ناكه‌ن.
له‌لایه‌كی تره‌وه‌ ، په‌رله‌مانی هۆڵه‌نداش له‌ مانگی ڕابردوودا یاسای قه‌ده‌غه‌كردنی بورقای له‌ هه‌ندێك شوێنی گشتیدا وه‌ك خوێندنگه‌ و نه‌خۆشخانه‌كاندا په‌سه‌ند كرد و تا ئێستاش چه‌ندین ووڵاتی جیهان و ئه‌وروپاش له‌وانه‌ش فه‌ره‌نسا و به‌لجیكا و بولگاریا و چاد یاسای قه‌ده‌غه‌كردنی بورقایان په‌سه‌ندكردووه‌.

سه‌رچاوه‌كان : ماڵپه‌ری ته‌له‌گراف ، ماڵپه‌ری هه‌واڵی نیوزی ئوسترالی

هەأار تەها

Previous
Next

Leave a Reply